Helselaget inviterer til festkveld

Det nærmar seg tida for den årlege demensaksjonen i regi av Nasjonalforeningen for folkehelse.

I år har me i styret tenkt å gjera ein vri på den tradisjonelle innsamlingsaksjonen. I staden for at skuleungdommane går rundt på dørene med bøsser, lager me heller ein festkveld med middag og foredrag.

Onsdag 25. september klokka 1800 på Oppvekstsenteret.

Me er så heldige å få besøk av forfattar og tidlegare journalist i Aftenbladet, Arnt Even Bø. Han har sett ord på ei knallsterk historie om det som skjedde med han og kona Eli då ho fekk Parkinson- diagnosen berre 51 år gammal. 19 år seinare kom demens-diagnosen som sette ein sluttstrek for Eli sitt liv mindre enn tre år etter.

Arnt Even er ein erfaren foredragshaldar og samarbeider bl.a. med Nasjonalforeningen for folkehelsen om å dela eigne erfaringar om sjukdommen. Når det sto på som verst skreiv Arnt Even ned tankar og følelsar som han gjengir i boka Kjærlighetens pris. Nokre av refleksjonane skriv han i form av dikt, som dette ifrå sjukeheimen der Eli budde på slutten:

 Når besøket er over, og vi gir hverandre klem,
er sorgen min tilbake, du får aldri komme hjem
Men når du våkner helt alene, og ingenting forstår
har du fortsatt gifteringen, den vil alltid være vår

Prisen på 350 kroner per person er litt høg, men dekker middag, kaffi og kaker, foredrag og bidrag til demensaksjonen. Det er ingen som tener penger på denne kvelden, alt går til demensaksjonen.

Det blir anledning til å kjøpa boka etter foredraget, signert. På grunn av varm mat vil me gjerne ha påmelding innan onsdag 18.september.

Send sms til Oddbjørg: 94 12 92 33

Me ønskjer alle hjarteleg velkommen

Oddbjørg, Ingeborg, Isabelle, Jannike, Ottar og Eli