Hytta på Fogn - men ikkje heilt i mål enno...
/
På søndag 24. april, like før klokka 13.00, la cargoskipet Gullaas til kai på Sørvåg. Ombord var det fleire dagsturhytter, mellom anna den som snart skal plasserast på Ørnakula på Fogn!
Sjølve hytta kom i fire modular, i tillegg til at utedoen, som skal stå i nærleiken av hytta, var med på lasset. Øyvind Sandanger var kontaktperson på land, og hjalp til med å få ting på plass, i tillegg til at fleire skuelystne kom ned og fulgte med etterkvart som dei ulike delene vart løfta over frå skipets indre og til kaien. No står alt lagra på Sørvåg, fram til eit helikopter skal frakta det vidare opp til Ørnakula. Dette skjer etter planen 4. mai. Deretter gjenstår omlag 14 dagars arbeid, før hytta kan takast i bruk. Det er altså mogeleg at hytta står klar til bruk så tidleg som siste halvdel av mai, men ingenting er sikkert.
No er vi i alle fall forbi “point of no return”, og kan verkeleg byrje å glede oss til hytta kjem på plass!
Under er nokre fleire bilete frå "overleveringa":
