Bli med på frivillighetens dag på Fogn!

Lørdag 14. mai går lag og foreningar på øya saman om å arrangera ein inspirerande og sosial markering av dagen. 2022 er frivillighetens år og den blir markert over heile landet på ulikt vis.

Me på Fogn inviterer difor alle til å komma til øya denne dagen for å gå tur. Etter inspirasjon frå Nasjonalforeningen for folkehelse er mottoet for dagen: Me går saman, og gjerne med nokon du ikkje kjenner! Det oppmodast faktisk til det! Viss det høyres for risikabelt ut, kan du sjølvsagt gå med nokon du kjenner.

Me legg opp til korte og litt lengre turar. Det viktigaste er at me skal ut på tur, og at dei som ikkje allereie kjenner Fogn, skal få bli kjent med «perlå i Ryfylke.» For dei som jaktar poeng i trimpoengappen, er dette ein ypparleg måte å samla poeng på. Både Ørnakulå, der den nye dagsturhytta er under oppføring, og Peråsen gir uttelling.

Etter at turen er unnagjort blir det samling ved skulen og det blir servert suppe laga på tomatar frå Fogn. Og kaker, kaffi og drøs.

For å komma til Fogn kan du anten køyra bil til Judaberg, parkera på kaien og ta ferja som går klokka 1155. Eller ta hurtigbåt frå byen klokka 1030. Frå kaien på Fogn tek det 5 minutt å gå til møtepunktet ved skulen. Ein representant frå Fogn (med gul vest) er på kaien ved ankomst.

Retur med ferje til Judaberg klokka 1615, eller hurtigbåt til byen klokka 1555 eller 1630.

Turstart mellom klokka 1130 og 1230. Etter turen blir det servering av tomatsuppe, laga på tomatar frå Fogn.

Så ønskjer me absolutt alle, fastbuande, hyttefolk, sambygdingar frå dei andre øyane, turistar, feriefolk, turinteresserte, lag, foreningar, kjente og ukjente hjarteleg velkommen til Fogn.

Det er sjølvsagt heilt gratis å bli med.

Registrering før start.

Arr. Helselaget, grendalaget, idrettslaget, husflidslaget, ungdomslaget, bondelaget, eldrekafeen, kyrkje og bedehus.

Under er ein plakat som samanfatter informasjonen over: