Ein deltakar meir enn fjoråret...

Han hadde fleire grunnar til å smile på søndag, marsjgeneral Ottar Sandanger. Ikkje berre fekk han sjølv staup for 20 fullførte marsjar, han kunne også registrera at det dette året var ein deltakar meir enn i fjor. For då 59 personar tok ut i 2014, var det 60 som trassa både vèr og vind og gjekk seg ein runde rundt Fogn på søndag. 

Dette var den 27. Fognamarsjen som vart arrangert, og det er framleis to personar som har delteke på alle marsjane, nemleg Anders Sandanger og Jakob Bø. 

Heidi Bø Sangedal og Øyvind Sandanger (takk til dei!) har knipsa nokre bilete som de kan sjå under.