Masse folk og god stemning på St.Hansfeiring!

Tysdag 23. juni var det klart for Fogn IL og Fogn Kr. Ungdomslag si tradisjonelle St.Hansfeiring. I år var bålet dratt saman i nærleiken av naustet til Helga og Ståle Østhus på Selvågneset, så dette vart basen for arrangementet. Omlag 150 personar møtte opp, og fekk med seg ei innhaldsrik, og bortimot vindstille feiring denne kvelden.

Morten Stensland hadde andakt om mannen som fann ein skatt i ein åker, og så solgte alt han åtte for å kjøpa denne åkeren. Seinare på kvelden vart det enno meir skattejakt, då "Kaptein Sabeltann" og hans to hjelparar kom roande frå Sørvåg for å finne ein skatt beståande av kakemenn til alle dei frammøtte. I tillegg var det kiosksal, pølsegrilling, leiker for store og små, og sjølvsagt tenning av det store bålet, som brann flott og lenge!

Sjå fleire bilete i serien under!