Bli med på "Pop-up bruktmarked" på Fogn!

/

Inspirert av eit “Pop-up grøftesalg” på Sæbø 1. mai, blir det eit “Pop-up bruktmarked” utanfor Fogn Oppvekstsenter, laurdag 3. mai kl. 14.00-16.00! Her kan dei som vil selgja og/eller bytta ting ha “butikkane” sine under halvtaket utanfor skulen, så sjølv om det kan koma litt regn skal dei stå tørrt.

Dei som ynskjer kan finna fram ting dei vil bli kvitt, ta det med til skulen, og rigga til sin “butikk”. Det står nokre bord utanfor skulen som kan nyttast, men det er ikkje veldig mange, så om folk vil vere sikra bord bør dei ta med eigne. Så er det kanskje unødvendig å informere om, men varer som ein ikkje blir kvitt, må tas med heim igjen…

Dette blir garantert ein sosial “happening”, og det er veldig kjekt om mange kjem, både selgjarar og kjøparar!

Det skjer på Fogn i påska 2025!

/

Det pleier å vere mykje folk på Fogn i påska, og som vanleg har desse mange tilbod til arrangementer dei kan bli med på. Under er ulike påskerelaterte arrangement og hendingar:

Onsdag 27. mars frå kl. 18.00 - Loddsal på dørene
Representantar frå Fogn IL kjem rundt på dørene og sel lodd til påskebasaren som er på laurdag.
NB! Sjå her kva pengane går til i år!

Skjærtorsdag kl. 19.30 - Nattverdmøte på bedehuset
Nattverdmøte med andakt av Paul Aano, i tillegg til at ordet blir gitt fritt.

Langfredag kl. 11.00 - Pasjonsgudsteneste i kyrkja
Lesing/framføring av bibeltekstar frå langfredag. Ola Aasland Vold er prest.

Påskeafta frå kl. 09.00 og 14.00 (trekning) - Fogn IL sin påskebasar utanfor butikken
Loddsal, kaffi og kake frå klokka 09.00. Sjølve trekninga skjer frå klokka 14.00.

1. påskedag kl. 11.00 - Møte på bedehuset
Høgtidsmøte med andakt av Christoffer Inge Hovda

1. påskedag kl. 17.30 - Gudsteneste i kyrkja
Høgtidsgudsteneste der Terje Engstrøm er prest. Nattverd. Takkoffer til Misjonsprosjektet.

Tett program på Fogn i helga!

/

Det er ikkje uvanleg at det skjer mykje på Fogn, og denne helga er ikkje noko unnatak!

Fredag 4. april kl. 17.00 - Innebandy for damer i gymsalen
Dette er eit nystarta tilbod i regi av Fogn IL, og er for damer frå og med 8. klasse og oppover!

Laurdag 5. april frå kl. 10.00 - Dugnad på og ved Fogn bedehus
Den årlege vårdugnaded både inne i og utanfor bedehuset. Servering av pølser kl. 13.00!

Laurdag 5. april kl. 15.45 - Fotballkamp på Fogn Stadion
Årets første heimekamp i serien for A-laget, når dei møter Sunde 2 i 7. divisjonsoppgjeret!

Laurdag 5. april kl. 19.00 - Lovsongsmøte i kyrkja

Søndag 6. april kl. 11.00 - Søndagsmøte, søndagsskule og -ring på bedehuset
Vanleg søndagsmøte med andakt av Håvard Østhus. Søndagsskule og søndagsring for borna i kjellaren under møtet. Noko å bita i der nede etterpå.

Søndag 6. april kl. 17.15 - “Lat øyra få høyra” i kyrkja

Søndag 6. april kl. 20.00 - Kveldsbøn i kyrkja
Enkelt arrangement med kveldsbøn frå kl. 20.00-20.45

Klart for den store innvielsesfesten!

/

På laurdag 5. april, frå klokka 12.00-20.00 er det klart for den store innvielsesfesten av Fognbuen Matan Shapiro sitt nye konsept “Subversity” på Judaberg! Matan har alt drive på og tilbudt VR-opplevingar i ca. ein og ein halv månad, men no er det altså klart for “skikkeleg opning”!

Matan lovar gratis VR-opplevingar for unge og gamle, musikk, snacks og mykje god stemning!

Velkommen til Subversity sine lokaler i Rygjabøvegen 10 på Judaberg (Finnøy)!

Glimt frå "Kortreist" på Naustet!

/

Laurdag 29. mars kom det hundrevis av besøkjande til Naustet til Ole og Oddbjørg, i høve deltakinga på matfestivalen “Kortreist”! Rapportane fortel at det var godt med folk i heile opningstida, og fleire av bidragsytarane blei utselt for varene som var av både spiseleg og “drikkeleg” slag!

Ein ekstra takk til Oddbjørg og Ole, som sto på heile dagen (og i både for- og etterkant) og dei mange som stilte med kortreiste matvarer til salgs!

Dette må kunne seiast å ha vore ein ubetinga suksess, noko bileta i serien under også tyder på!