Mykje folk og god stemning på Tidløskonsert!

Omlag 100 personar møtte opp på sørlandsbandet “Tidløs” sin konsert, laurdag 6. september på Fogn Bedehus. Dei frammøtte fekk stort sett “servert” gamle salmer i ny innpakning, i tillegg til eit par nyare låter. Og etter framføringa av kveldens “siste song”, responderte salen med ståande applaus og krav om meir! Det fekk dei, gjennom to kjente allsongar, mellom anna “O store Gud”, som de kan sjå eit glimt frå under:

Etter konserten var det kaker, kaffi og drøs i bedehuskjellaren. Der var det mange godord å høyra, og det vart alt snakk om når “Tidløs” skulle bli invitert tilbake til Fogn att! Ut frå det bandet sjølv sa, både på konserten og i etterkant, verkar dei veldig positive til å koma attende, så dei som gjekk glipp av laurdagens konsert, kan kanskje få ein ny moglegheit på Fogn i framtida!

Og for dei som evt. vil høyre på “Tidløs” no med ein gong, kan ein anten gå til Spotify, eller søke dei opp på Youtube, der det mellom anna ligg eit heilt konsertopptak frå 2020.