Ein strålande dag med mykje idrettsglede!
/Både store og små var i aksjon under årets Fognaløp og Fognameisterskap, som gjekk av stabelen i strålande sol og gode temperaturar, søndag 7. september!
Først ut var Fognaløpet, der deltakarane som vanleg kunne velgja mellom heile runden rundt Fogn (ca. 10 km) eller rundt “Nullen” (ca. 5 km). Anders Sandanger var raskast på den korte distansen, som han fullførte på tida 20.46. Den lange distansen vart vunne av Kristel Borgemyr (50.22) i kvinneklassa, og Jon Erik Jakobsen (43.14) i herreklassa. Elles var det mange born som også sprang 5 kilometeren, før dei igjen skulle “i ilden” med 60-meter, lengde og kast med liten ball i Fognameisterskapet.
Mykje god innsats og masse idrettsglede endte opp med medaljeutdeling til alle i amfiet etter det som må seiast å vere nok eit flott Fognameisterskap! Sjå fleire bilete frå dagen under:
