Berre dagar til Tour of Norway for kids!

Vi er godt i gong med juli månad, og om kun kort tid er det klart for tidenes første Tour of Norway for kids på Fogn! Måndag 10. juli blir det sykkelfest for heile familien, der born frå 13 år og ned til dei på trehjulsykkel kan få bli med på sjølve "rittet". 

Møt opp ved Ivar Opsal sitt kyllinghus på Runestad frå klokka. 16:00 for registrering og utdeling av startnummer. Det vert trekt seks flotte premiar, mellom anna ein sykkel (!) tilfeldig på startnummer, einaste kriteriet for å kunne vinne er at vinnaren er tilstades under premieseremonien. I tillegg vil alle deltakarane verta premierte!

Det vert sal av pølser og tomatsuppe, i tillegg til andre kioskvarer og spinnerar. Det kan også nemnast at det er tilgjengelege toaletter på plassen, så ein kan trygt leggja opp til å vere her så lenge ein vil (det er lov å koma før klokka 16.00 også). 

Har du spørsmål om sjølve løpet er det berre å kontakta rittleiar Ivar Opsal på tlf 99567320.

Ynskjer du båttransport frå Hjelmeland/ Strand kommune, så ta kontakt med Øyvind Sandanger på tlf 92090918. 

Det er mogleg å melde seg på på førehand (via denne sida HER), men ein må uansett møte opp ved registreringa for å få utdelt startnummer og t-skjorte. Arrangørane set likevel pris på om dei som veit at dei skal koma, klikker "deltek" på Facebook, slik at dei har ein viss peiling på kor mange som kjem til å møta opp til denne sykkelfesten! Klikk HER for å kome til den aktuelle sida på Facebook.