Kulturell laurdag i vente!

På laurdag den 17. september går årets kulturbasar av stabelen i Erås museum. Det er høve til å få omvisning i museet, og kjøpa seg kaffi med "noko attåt" frå klokka 12.00, medan sjølve basardelen med informasjon om årets prosjekt (arbeid blant born i India) og åresal med påfylgjande trekning, startar ca. klokka 13.00. Gevinstar tas imot med takk! I tillegg til basar, vert det sal av små "overraskelsespresangar" til 20 kr per stk. 
Det er Fogn grendalag og Erås Museum som samarbeidar om arrangementet, og alle er hjarteleg velkomne til å ta turen!

Tidlegare på dagen, nærmare bestemt klokka 11.30, møtes fotballaga til Fogn og Voll 2 til seriekamp i 7. divisjon på "Fogn stadion". Bortelaget frå Jæren toppar tabellen i gruppa etter å ha vunne alle kampane i år, medan dei blåkledde frå Fogn kjempar for å sikra seg tredjeplassen i den same gruppa. Kampen er slutt like over klokka 13.00, så med litt flaks vil ein rekka å få med seg både fotballkamp og kulturbasar denne dagen!