Fognameisterskap til helga, Fogn IL informerer

Søndag 4. september går årets Fognaløp og -meisterskap av stabelen. Klokka 13.00 går startskotet for 5 og 10 km løpa, og idrettslaget oppfordrer alle (uansett alder) som liker å springe eller gå fort til å bli med. Det er også mulighet for å stille med stafett-lag dersom dette er ønskelig. Startavgift for dei over 16 år er 100,-. Det vert premiering til vinnarar i dame- og herreklasse i begge distansar.

I målområdet vert det som alltid god stemning, frukt og grønt! Dei som ynskjer kan grille pølser på bålpanne ved skulen, Det tradisjonsrike Fognameisterskapet for born i alle aldrar startar kl. 14.30, og her får alle premiar umiddelbart etter meisterskapet.

Velkommen til store og små, og hugs, det er meldt fint vèr!

Fogn IL