Jubel i år igjen?

I fjor møttes A-laga til Fogn IL og Finnøy IL i seriesamanheng for første gong på mange år. Fogn tapte bortekampen på våren, men gjekk sigrande ut av heimeoppgjeret om hausten. Ole Jakob Kjølvik (biletet) skåra to mål i 4-2 sigeren, noko Pål Rune Grønås gratulerte han med like etter kampslutt.

No på fredag, 22. august klokka 18.45, er det klart for nytt serieoppgjer mellom dei to naborivalane. Også i år vann Finnøy våroppgjeret, så vert det spanande å sjå om Fogn kan gjenta bedrifta og slå tilbake om hausten? Finnøy har gjort det særs godt i Rogalandscupen i år, men har slitt meir i serien, der dei kun står med den eine sigeren mot Fogn.

Ryktene har gått om at Finnøy har trent veldig godt i sommar, og at dei har vore over 30 spelarar på enkelte treningar. På Fogn har det vore heller labert, med 5-15 spelarar på treningane. Det seier seg difor sjølv at dei mørkeblå er avhengige av å ha sin "12.-mann", det entusiastiske heimepublikummet, i ryggen på fredag! Leiar i Fogn IL, Heidi Bø Sangedal, varslar om Zumbainnslag i pausen og sal av lappar på det som fort kan bli ein minnerik folkefest!

Still opp og hei heimelaget fram til siger, fredag 20. august klokka 18.45 på fotballbanen!