Ekstra lang opningstid på valdagen

Stortingsvalet 2021 er det første valet som vert gjennomført etter at Fogn vart ein del av Stavanger kommune. Dette vil ein merke på opningstida til vallokalet på Fogn oppvekstsenter. Alle vallokala i kommunen er nemlig opne like lenge på valdagen, måndag 13. september. Det betyr at du kan avgi di stemme frå klokka 10.00 og heilt til kl. 21.00 på kvelden. Det bør altså ikkje bli eit stort problem med lange køar og opphoping av folk denne dagen, i alle fall ikkje på ein liten plass som Fogn!