Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Fognamarsjen vert arrangert for 33. gong, søndag 15. august. Ved Joker Fogn (eller ved å klikka HER) kan ein sjå fullstendig statistikk for alle dei 32 tidlegare marsjane.
Dei som vil vere med startar frå skulen mellom klokka 15.00-16.00, og går rundt øya i retning kyrkja.
Startkontingent vert 100 kr per deltakar, eller maksimalt 300 kr per familie.
Fognareven har vist seg fleire gonger denne sommaren!
Mange har besøkt Fogn i løpet av dei 6 gratis båtturane som Stavanger kommune har tilbudt familiar til øyar i Ryfylke denne sommaren. Mellom 20 og 45 har gått av båten på Fogn. Der har dei blitt møtt av guide og etterkvart Fognareven.
Ved butikken har eldresenteret selgt vafler og Oddbjørg tomatsuppe. Ryfylke tomat har sponsa med gratis smak av perletomater. Skattejakten går via Peråsen og ned til Robin Hoodskogen. Familiane har vore fornøyd med turen og utsikten frå Peråsen og ungane har kosa seg på jakt etter skattekart og til slutt med leik i Robin Hoodskogen. Mange har stansa ved butikken og leika på skuleområdet.
Siste dagen var NRK lokalen med og sendte direkte frå stemninga. Me som har vore med syns det er kjekt å vise fram Fogn og dei gode tilbakemeldingane gjere at innsatsen er verd det. Sjølve skattejakten er åpen for alle som vil bli med fram til 22.aug. Husk å registrere navn på deltakerne og bli med i trekning om fine premier.
(Tekst og bilete: Heidi Bø Sangedal)
Saka under er no oppdatert med fylgjande informasjon:
På dei dagane det er sett opp gratis “skattejaktbåt” frå Stavanger, vert det lagt til rette for litt ekstraopplegg på Fogn. Det betyr at det 19.-20. juli, 26.-27. juli og 2.-3. august frå ca. kl. 11.30 vert:
Lokal guide + Fognareven møter folk på kaien når båten kjem kl. 11.25
Varm grill, sal av lappar/tomatsuppe og tomatsmaksprøver utanfor den elles opne lokalbutikken vår.
Sidan ruta til “skattejaktbåten” er lagt opp slik at anløpet av Fogn kjem nokså seint (turen til Fogn tek nesten 2 timar), trur vi ikkje det vil bli ekstremt mange som kjem til Fogn på denne måten. Difor håper vi at både fastbuande og folk i hytter kjem innom butikken desse dagane!
Under er resten av den originale saka:
Stavanger kommune arrangerer skattejakt i øyriket sitt frå 12. juli til 22. august 2021! Skattejakta passar godt for familiar med born mellom 3 og 14 år, og ein treng berre ein smarttelefon for å delta. Denne vert nytta til å skanna ulike QR-kodar, som er plassert i terrenget på øyane, og ei av løypene er på Fogn! På Fogn går løypa frå butikken, via Peråsen og til Robin Hood-skogen.
Fleire dagar vert det også sett opp gratis “skattejaktbåt” frå Stavanger, og ein kan truleg rekne med fleire “skattejaktarar” på desse dagane: 19.-20. juli, 26.-27. juli og 2.-3. august.
Les meir om skattejakta, dei ulike destinasjonane og korleis dette eigentleg fungerer, ved å klikke her!
God jakt!
Søndag 18. juli vert det utegudsteneste på Byre. Det vert sett opp båt frå Sørvåg kl. 11.30, og ein må ta kontakt med Heidi Bø Sangedalpå 47010909 innan 15. juli for å melde seg på til fellsskyssen. Meir informasjon på plakaten under:
Fogn Frisbeegolf - Utsikten
Som vi har skrive om tidlegare her på Fogn.org, har Fogn IL investert ein frisbeegolfbane. Denne er no klar til bruk på Sæbø! Alle som vil kan spela på banen, og informasjon og reglar finn ein på denne sida (ligg under “Om Fogn” i hovudmenyen her på Fogn.org).
Vi ba om namneforslag til banen, og landa til slutt på “Fogn Frisbeegolf - Utsikten”. Det var Øyvind Sandanger som kom med namnet “Utsikten”, og han vil difor få sitt eige sett med frisbeegolfdiskar!
Eit lite tips til slutt. Det går heilt fint å spele frisbeegolf i regnet, men då må ein anten vere innstilt på å bli blaut på beina, eller ha på vanntett skotøy. Med dei vèrmeldingane som er framover, ser det ut til at det kan bli litt vått, men lite vind, noko som gjer at forholda for frisbeegolf er veldig gode!
Tysdag 29. juni var det for 3. gong i historia klart for Tour of Norway for kids på Fogn! I strålande sol og varme var “rittet” fullteikna med 90 sykkelglade born, som saman med ivrig familie og mange gode lokale hjelparar laga eit flott arrangement med masse god stemning!
Alle som sykla fekk både t-skjorte og premie, i tillegg til at Joker Fogn delte ut gratis is! Og då alt var over, og nedrigginga tok til, var det så mange hjelpsomme hender at dei erfarne arrangørane meinte det måtte vere ny rekord i nedriggingstid:)
Under er eindel bilete frå dagen, innsendt av Karianne Østhus!
Powered by Squarespace
