Det skjer på Fogn i påska!

Påskefeiringa på Fogn er alt godt i gong etter at jentelaget sin påskebasar vart arrangert på bedehuset fredag 27. mars. Mange folk møtte opp, og ein måtte opna opp dørene til ekstrasalen oppe for at alle skulle få ein plass å sitje. Det ser altså ut til å vere mykje folk på Fogn i påska, og dei som er her, har mykje å bli med på!

Laurdag 28. mars kl. 14.00
Opning av styrkerommet.
Vi serverer frukt og tomater. Namnet på styrkerommet vil bli offentliggjort og premiert. 
Lasse viser teknikk og bruk av utstyr.
Arr: Fogn IL

Onsdag 1. april frå kl. 18.00
Loddselgjerar kjem på dørene i hus og hytter. Inntektene går til Fogn IL, og skal nyttast til apparat for leik og trening ved Fogn Oppvekstsenter.

Skjærtorsdag kl. 11.00
Nattverdmøte på bedehuset.
Inge Sirevåg talar. 
Arr: Fogn Bedehusforening

Skjærtorsdag kl. 14.00
Eggkoking i Domfjelldalen.
Parkering ved Erås museum, eller gå frå der du vil, så møtest vi ved bekken. 
Helselaget har ein quiz og serverer frukt.
Arr: Fogn helselag, Speidaren og Fogn IL

Langfredag kl. 10.30
Gudsteneste v/Terje Engstrøm.
Song ved June Joanna Hovda.

Påskeafta
Loddsal ved butikken frå kl. 09.00. Servering av lappar, kake, saft og kaffi. Trekning kl. 14.00.
Arr: Fogn IL

1. Påskedag kl. 11.00
Høgtidsmøte på bedehuset.
Ola Aasland Vold talar.
Anne Strøm Østhus syhg.
Kollekt til NLM.
Arr: Fogn Misjonslag (NLM)

1. Påskedag kl. 18.30
Familiegudsteneste v/ Anders Kvalevåg.
Song ved TøfFOGNådig og Fognakoret.
Nattverd.
Takkoffer til Opne dører.

Velkommen på arrangement i påska!

Ekstra kjekke dagar før påskeferien!

Born og tilsette ved Fogn oppvekstsenter har hatt innhaldsrike dagar no rett før påskeferien! I løpet av torsdag og fredag har dei feira ein 60-årsdag, vore på påskegudsteneste og gått på påsketur med eggkoking og pølsegrilling. Alt dette i tillegg til å ha lært matte, norsk og mykje meir!

Les meir om dei ulike hendingane, og sjå fleire bilete på oppvekstsenteret si eiga heimeside ved å klikke HER.

Kva skal rommet heite?

Det nye styrkerommet i det gamle hønsehuset hjå Oddny og Terje Kjølvik vil verta offisielt opna laurdag 28. mars klokka 14.00. Då vil det også bli kjent kva for eit namn rommet har fått. Leiar i Fogn IL, Heidi Sangedal, har fått inn mange gode tips, og har saman med ein komitè kome fram til tre forslag som det skal røystast over. Forslaga er:

• "Fogn fjosstyrke"
• "Hunshuset styrk og strekk"
• "Egglixia"

Det er mogleg å røyste ein gong per datamaskin/telefon/nettbrett, men det må røystast før laurdag klokka 14.00.

Sei di meining ved å klikke HER.

Glimt frå konserten på laurdag

Omlag 120 personar møtte opp i kyrkja laurdag kveld, då country gospel - gruppa Jan, Vidar og Asbjørn hadde konsert. Mennene spelte både gamle "klassikarar" frå kyrkjer og bedehus, i tillegg til nokre "Shadowslåter" der gitaris Jan Pihlstrøm imponerte mange med fingerferdigheitene sine!  Det var ikkje "berre" Jan, Vidar og Asbjørn som var kome langveisfrå denne kvelden. Her kom også sjølvaste Lise Karlsen, kjend som ein av grunnleggjarane til Evangeliesenteret, og fortalte om si livshistorie. I tillegg måtte jo primus motor Svein Østhus få sleppa til litt innimellom, noko som førte til eindel humring og latter i salen då Svein fortalte fleire muntre historier. 

Konserten, som starta klokka 19.30, varte i godt over to timar, og det var ikkje slutt med det. Etterpå var det nemleg mange som hadde vore med og bidrege til den gode kveldsmaten, som vart servert i kyrkjekjellaren. Der nede gjekk også praten godt, slik at folk ikkje trakk heimover før  klokka nærma seg 23.00, mette på både mat og inntrykk!

Under er nokre glimt frå konserten:

Åpningsfest og navnekonkurranse!

Fogn IL vil invitere til offisiell åpningsfest av styrketreningsrommet den 28-mar-15 klokka 1400. Kom og se, bli inspirert og begynn å tren!!

Fogn IL ønsker også innspill til ett passende navn på det nye treningsrommet i løa til Oddny og Terje. Forslaget kan enten legges i konvolutten merket «Navneforslag» i løa, eller sendes på SMS til Heidi på 470 10 909. En komité vil deretter velge ut de 3 beste forslagene, og deretter så kjører vi avstemning på Fogn.org for å finne det endelige navnet. Merk at fristen for gode forslag er 22. mars. Det blir premie til vinneren!!

Informasjon om styrkerommet: Det er åpent for alle over 14 år. Parkering skjer ved pakkeriet, og det er viktig at man ikke parkerer foran lagerporten og inngangsdøra. Parkering skal ikke skje på tunet til Oddny og Terje!

Kjernetiden er mellom 15-21 hver dag, men rommet er også åpent på dagtid. Trening skjer på eget ansvar, og vi anbefaler at ingen trener alene. Lasse Hovda er tilstede onsdager fra klokken 1900 dersom noen trenger veiledning eller tips i forhold til apparatene. 

Priser for bruk av trimrom frem til 01-Jul-15 (dette inkluderer zumba/styrketrening i gymsal):              
200 NOK for medlemmer
400 for ikke-medlemmer,

Betaling skjer ved innbetaling til kontonummer 3347.30.09159. Merk betalingen med «Navn» og «Halvårsavgift Trening». Etter sommeren kommer det nye priser.

Vi ønsker samtidig å takke Windoornet for støtte på kroner 10 000 NOK til gulvet i treningsrommet.

Se også: Retningslinjer for bruk av styrkerommet.

Tekst: Pål Rune Grønås

Country i kyrkja til helga

Som vi har skrive om tidlegare, kjem Angela Primm og Elsa Harris til Fogn kyrkje for å ha konsert onsdag 18. mars. Men det er ikkje "berre" dette som skjer i kyrkja denne veka, laurdag og sundag kjem det nemleg enno meir besøk! Det er Svein Østhus som melder frå til Fogn.org om dette, i ein mail der han ynskjer at informasjonen under skal verta kunngjort.

Country gospel - gruppa som består av Jan, Vidar og Asbjørn kjem nemleg på ny til Finnøy og Fogn. Karane har vore her tidlegare, då dei er medlemmar av gruppa "Vi5menn" som har hatt to kyrkjekonsertar på Fogn dei siste åra. No kjem dei altså på ein ny visitt, og under dei to samlingane på Fogn, har dei med seg Lise Karlsen frå Evangeliesenteret.

Programmet for "turneen" ser slik ut:

Fredag 20. mars kl. 19.30:
Konsert i Hesby kyrkje

Laurdag 21. mars kl. 19.30:
Konsert i Fogn kyrkje. Lise Karlsen deltek. Kveldsmat for alle i kyrkjekjellaren etterpå.

Sundag 22. mars kl. 11.00
Songgudsteneste i Fogn kyrkje. Tale ved Lise Karlsen.

Konsertane er gratis, men det blir teke opp ei kollekt til Evangeliesenteret i Østebro.

Vel møtt!