Informasjon om valdagen (og stengt gymsal i forkant..)

/

Fogn oppvekstsenter informerer:

Måndag 11. september er det valdag i Noreg. På Fogn er vallokalet oppvekstsenteret, i gymsalen (politisk val) og på kunst og håndverksrommet (kyrkjevalet).

Denne dagen er det også skuletilbod til kl. 14:00 og SFO-tilbod til kl. 16:30. Elevane her bruker uteområdet til leik og aktivitetar i heile opningstida. Vi ber derfor om at de ikkje kjører inn på skuleområdet og parkerer utanfor bygget når de skal stemme. Bruk parkeringsplass ved butikken eller utanfor Fognagården.

Dersom du har behov for å køyre heilt til døra, ber vi deg ta kontakt på førehand, slik at vi kan sette i verk tiltak for å trygge elevar og barn som leiker på uteområdet.

NB! Kommunen kjem for å rigge til i gymsalen torsdag 7. september etter kl. 12. Dette betyr at gymsalen er stengt for bruk frå kl. 12 torsdag til og med måndag 11. september.

Snart tid for Fognameisterskap (og Fognaløp) igjen!

/

Flott hopp frå meisterskapet i 2022!

På søndag 3. september er det berre å finne fram sportslege klede og stille opp, då Fogn IL inviterer til Fognaløp og Fognameisterskap igjen!

Kl. 13.00 blir det Fognaløp der ein kan velgje mellom distansane 5 eller 10 km. Alle kan delta, det er ikkje sett nokon form for makstid for å fullføra!

Kl. 15.00 er det klart for Fognameisterskap, der borna får både hoppa lengde, springa 60 meter og kasta liten ball. Alle som deltek får premie!

Velkommen!

Gratis buss - også på Fogn!

/

Det er truleg mange som vil nytte seg av gratis busstilbod framover:)

Etter at kollektivtrafikk vart gratis for innbyggarar i Stavanger kommune frå og med 3. juli, vart også busstilbodet på Fogn gratis å bruke. Reint praktisk fungerer dette slik at ein berre møter opp og tek bussen til oppsett tid, så registrerer bussjåføren turen som ein gratistur i sine systemer.

Under er ei oversikt over bussrutene som gjeld på Fogn. NB! Bussen går kun på kvardagar, og som de ser under er dei fleste rutene kun operative på skuledagar:

Snart klart for Fognamarsj igjen!

/

Det stundar mot Fognamarsj. Sundag 20. august går marsjen av stabelen for 35. gong, med start mellom klokka 15.00 og 16.00 frå Fogn Oppvekstsenter.

I fjor var det rekordlåg deltaking med berre 25 som gjennomførte marsjen, og “marsjgeneral” Ottar Sandanger håper på langt fleire til 35-årsmarkeringa.

Om ein tek ein avstikkar til Ørnareiret blir det godkjent, berre ein går den ordinære løypa rundt øya.

Startkontingent er 100 kr per deltakar, maks 300 kr per familie.

Her kan du sjå kor mange gonger både du og alle andre har gått marsjen tidlegare.

Endring i båtrutene frå og med måndag 14. august

/

Foto: Rune nedrebø

Kolumbus melder om at dei gjer små endringar i rutetilbodet for ferjer og hurtigbåtar i Ryfylkebassenget. Slik det ser ut no vil det bli små endringar for oss på Fogn, men det er verdt å merke seg at ferja som på kvardagar før gjekk klokka 09.50 frå Judaberg til Fogn, no vil gå fem minutter tidlegare, altså klokka 09.45. Turen frå Fogn til Judbaberg vil då gå klokka 10.00, mot klokka 10.05 i dag. Neste ferje både til og frå Fogn går også 5 minutter tidlegare, nemleg 11.50 til Fogn og 12.05 frå Fogn.

Elles har det også kome reaksjonar på at ferja som går frå Judaberg klokka 22.50 på søndagane, no vil gå klokka 23.15. Dette passar dårleg for dei frå Fogn som har vore på kveldsvakt innan helse- og omsorgstilbodet på Finnøy. Kommunikasjonsgruppa i Fogn grendalag er på denne saka.

Det sikraste, for å ikkje ta feil av rutene framover, er å nytte Kolumbus sin ruteplanleggar, som til ei kvar tid skal vere oppdatert med dei rette båtrutene.