OMV gir bort nytt slukkeutstyr til Fogn brannlag

/

No er det hakket tryggare å bu på Fogn, takka være utstyr donert til Fogn brannlag frå OMV Norge!

Dette utstyrer vart kjøpt inn til ein boreoperasjon som OMV har gjennomført i sommer. Boreoperasjonen er nå avslutta og dei trengte ikkje skumutstyret meir.

På vegne av OMV snakka Arnstein Bøe med Øyvind Sandanger om Fogn brannlag var interessert i dette. Svaret var ja, og i helga vart dette overrakt.

Så får vi håpe at det aldri blir behov for å bruke dette men, no er iallefall Fogn godt utrusta til å slukke branner i både væsker og faste materialer.

AFFF skum er veldig bra til å slukke nesten alle typer branner og forbygge spredning av brann.

Ei helsing frå Viking til Fogn IL!

/

Søndag 13. november avslutta Viking fotball sesongen i eliteserien med å spele uavgjort heime mot Odd. Etter kampen fekk Jon Olav Runestad, på vegne av Fogn IL, overlevert ei Vikingdrakt signert av alle spelarane! Den som overleverte drakta var ingen ringare enn trenar Bjarte Lunde Aarsheim. Han ville gi drakta som ei helsing frå Viking til Fogn i anledning 50-årsjubileet i år. Han hadde også merka seg at det var mange trufaste vikingsupportarar frå den vesle øya, og takka for all støtte gjennom året. Til slutt lova Aarsheim at klubben skal gjere det som trengs for å løfte laget i 2023!

Leiar i Fogn IL, Jakob Bø, set pris på gåva frå Viking, og er glad for at trenaren har lagt merke til vikingengasjementet som er på Fogn. No vil ein sjå på løysingar for kvar drakta kan henge, og det er nok ikkje uaktuelt å finne ein ledig veggplass på Fogn oppvekstsenter, der mange unge vikingsupportarar tilbringar store deler av dagen!

Førjulsfest for pensjonistar

/

Velkommen til førjulsfest, torsdag 24. november klokka 1800 i kyrkjekjellaren!

Etter to år med pandemi er det ei stor glede for Helselaget å endeleg kunne invitera til den tradisjonelle førjulsfesten for pensjonistane.

Me har slått på stortromma i år og invitert Oddgeir Bruaset som dei fleste ganske sikkert kjenner frå fjernsynsserien Der ingen skulle tru at nokon kunne bu. Han skal fortelja om folka han har møtt og dei mange utrulege stadene han har vore på. Kanskje er det nokon som kjenner dei igjen ifrå fjernsynsserien?

Elles blir programmet som før med velkomstgløgg, julemiddag med riskrem og mandel, kaffi, song og juletregang. Geir spelar piano.

Meld deg på ved å senda ein sms til Oddbjørg: 94 12 92 33 innan fredag 18. november.

100 kroner per person

Hjarteleg velkommen!

NB! Det blir ikkje lappar i postkassen denne gong.

Framleis dekkservice på Fogn!

/

Mange var nok litt nervøse for kva som ville skje då “dekkongen” på Fogn, Bjarne Bøe, valgte å flytta til Finnøy. Måtte folk no byrja å både skifta og ta hand om bildekka sine sjølv? Heldigvis kom det kjapt på plass ei løysing for dei som vil nytta seg av denne!

John Sverre Sandanger tilbyr både skifte av hjul, bestilling av dekk, dekkhotell og omlegging og avbalansering av dekk. Han har alt overtatt mange av “dei gamle” kundane til Bjarne, men har plass til fleire dekk og kan ta imot enno fleire kundar i redskapshuset på garden med adressa Sæbøvegen 1.

John Sverre sjølv minner om at dette tilbodet er like aktuelt for hyttefolk, som gjerne har tid til å skifta dekk nettopp når dei er på hytta.

Både fastbuande og hyttefolk når John Sverre på det same nummeret, 97 64 03 81!