Snart solidaritetsaksjon igjen

/

Nå er det tid for den årlege solidaritetsaksjonen igjen, og vi har starta førebuingane.
Aksjonen blir i år onsdag 26. oktober kl.16:15-18:15.
Vi vil samle inn pengar til Laos.
Litt under halvparten av befolkninga i Laos er urfolk. Det er over 100 urfolksgrupper i landet. Dei snakkar eit anna språk enn majoriteten i landet, og har ulik religion og kultur.
I Hei Verdens prosjekt i Laos får lærarane i landsbyane dra på kurs for å bli gode lærarar for barn som ikkje snakkar same språk som dei. Dei lærer også gode metodar for å undervise fleire klassar samtidig.
Bruktmarked
Dei som har gjenstander/klær/utstyr som dei vil kvitta seg med, kan levere det til bruktmarkedet vi skal ha her på skolen.
Det bør leverast før onsdag 26.okt.

Velkommen til solidaritetsaksjonen.
Det blir middag og kaker, utlodning og masse gøy!

Helsing tilsette ved Fogn oppvekstsenter.

Bli med på Vikingkamp med Fogn IL!

/

Fogn IL har 50-årsjubileum i 2022, noko som har blitt markert på ulike måtar gjennom året. Under jubileumsfesten 3. september, vart videohelsinga under spelt av:

Som Kristoffer Løkberg seier, inviterer altså Viking alle i Fogn IL til heimekamp på SR-bank Arena, og kampen som er valt ut, er mot Sarpsborg 08 på søndag 16. oktober kl. 17.00. Som mange veit har Viking gjort det nokså svakt i det siste, så no treng dei verkeleg støtta vår!

Alle som vil ha billettar må melde frå til Heidi Bø Sangedal på 470 10 909 (evt. på Messenger) innan onsdag 12. oktober. Det vert i utgangspunktet ikkje lagt opp til felles opplegg rundt køyring, men vi prøver å fylle opp bilane, og legge til rette for dei som evt. ikkje har mogelegheit til å køyre sjølv.

Heia Viking!

Flott tur, trass dårleg ver!

/

Veret var ikkje det aller beste, då den ellevte utgåva av 4-og 7-toppstur vart arrangert søndag 2.oktober. Sjølv om det kom nokre solide regnbyger undervegs, titta sola opp innimellom bygene. Trass dårleg ver, var det mange smil å sjå ute i løypa. 

Mange tok turen inn i den nyopna dagsturhytta på Ørnekula, der var stemninga god blant store og små. Det var godt og varmt inni hytta der vedkubbane brann godt i ovnen. 

Totalt gjekk 64 deltakarar årets tur. 39 stykker på 4-toppsturen og 25 stykker la i veg over alle sju toppane. 

Den heldige vinnaren av gåvekortet frå Kiwi Finnøy, som vart trekt ut blant alle som gjekk turen, vart Synne S.Kolnes. 

Ein stor takk til lokale sponsorar, som delte ut kvikk-lunsj frå Windoornet på Borgaråsen og Varhaug, god smoothie frå Joker Fogn på Peråsen og smakfulle tomatar frå Ryfylke tomat på Ørnekula.

Tekst og bilete: Helge Magnar Iversen

Ver med og støtt demensaksjonen!

/

Hei alle saman

Sist veke gjekk den årlege demensaksjonen i regi av Nasjonalforeningen for folkehelse, av stabelen. Over heile landet gjekk representantar frå helselag og demensforeningar rundt på dørene med bøsser å samla inn pengar til aksjonen.

Av ulike grunnar blei det ikkje gjennomført bøsseaksjon på Finnøy og Fogn i år, difor iverkset me plan B i år som går ut på å oppmoda alle som les denne meldinga om å støtta det viktige arbeidet ved å bruka Vipps.

Vippsnummeret er 584610.

Me har og bøsser viss nokon ønskjer å bidra med kontantar, nokon har allereie gjort det. Det er det berre å ta kontakt med ein av oss i Helselaget.

Beklagar at det blei slik i år. Håper likevel mange vil vera med på årets aksjon.

På førehand TUSEN TAKK

Beste helsing
Styret i Helselaget
Oddbjørg, Ingeborg, Isabelle og Jannike