Eit fotoforum vert til!

Måndag 23. september stilte 7 personar opp på ei samling knytta til fotografering på Fogn. Tanken med samlinga var å lufte interessa for eit slags forum for dei av oss som liker å knipse bilete, der ein kan dele tips og triks, og gi tilbakemeldingar på bilete som andre har tatt.
Dei oppmøtte såg på ulike bilete, og snakka litt om tips og triks, før dei vart einige om å møtast igjen til ei ny samling onsdag 23. oktober klokka 18.00 på Fogn oppvekstsenter. Før neste samling skal dei som vil knipse nokre bilete med temaet «haust» i tankane. Dette “oppdraget” kan gjelda alle, også dei som ikkje var på denne første samlinga!

Samlingane er opne for alle som vil få og/eller gi fototips, og det er ikkje krav om at ein har det og det fotoutstyret. Ein mobil held ofte i massevis!

Vil du ha asfalt?

Det skal igjen asfalterast på Fogn, og når ein først skal asfaltera, er det gjerne nokon som ynskjer å asfaltere private vegar og gårdsrom i same slengen. Når fleire “melder seg på”, vert det også ofte billigare per kvadratmeter.

Dersom nokon ynskjer ei uforpliktande befaring og pris knytta til eit mogeleg asfaltprosjekt, må dei ta kontakt med Øyvind Sandanger på 92 09 09 18 snarast.

Fotoklubb på Fogn?

Er du glad i å ta bilete? Veit du om gode plasser å ta bilete på Fogn? Har du nokre blinkskudd du ville ha vist, eller lurer du på korleis du kan redigera bilete i etterkant for å gjera dei enno betre?

Stig Rolfsen har lenge gått med ein tanke om å samle ein gjeng frå Fogn som har det til felles at dei liker å ta bilete. Desse kan dele erfaringar, tips og triks med kvarandre, og kanskje bli einige om å fotografere eit bestemt tema, og så sjå på bileta saman i etterkant. Kanskje det hadde vore interesse for ei fotoutstilling med bilete frå Fogn, eller kanskje ei Facebookgruppe med “Fognafoto” hadde vore noko?

Stig delte desse tankane med Håvard Østhus for ei stund sidan og no vil desse to invitere alle som kjenner at dette kan høyrast interessant ut, til ei samling på Fogn oppvekstsenter, måndag 23. september klokka 19.00. Her vil ein samtala om kva ein eventuelt kunne tenkt seg å gjort knytta til dette med fotografering på Fogn.

PS! Stig understreker at ein ikkje treng all verdas fotoutstyr for å stille på samlinga. Mobilkamera held ofte i massevis!

Velkommen!

Oppstart for Juztmove i gymsalen

Tysdag 17. september klokka 16.30 drar Oddny Kjølvik igjen i gang med Juztmove i gymsalen. Juztmove er trim for voksne, og det passar for alle, seier Oddny, som har fylgjande oppfordring til alle som lurer på om dei skal bli med:

Kom igjen!!!

Søndagsskulefrukost på søndag!

Heile familien er velkomne til søndagsskulefrukost i kjellaren på bedehuset søndag 15. september kl. 10.00. Det vert enkelt søndagsskuleopplegg og god frukost!

De kjem vel?

Arrangement i kyrkje og bedehus dei neste dagane

Det skjer ein heil del i kyrkja og på bedehuset dei neste dagane. Alt ligg inne i kalenderen her på Fogn.org, men her kjem ei lita påminning:

Søndag 8. september kl. 11.00 - Møte på bedehuset
Indre Sjømannsmisjon avslutter si møteveke på bedehuset. Dagfinn Sandal er med som talar. Noko å bita i etter møtet.

Søndag 8. september kl. 18.00 - Bønn- og lovsangskveld i kyrkja
Ein kveld med bønn for øya vår og kommunen vår. Litt solosang, men mest allsang. Lokale krefter vil spele og vere forsangerar. Både barn og vaksne vil vera med. Anledning til forbønn.
Arr: Lokal komitè/ansvarskomitèen.

Måndag 9. september kl. 17.30 - Diverse barnelag i kyrkje og på bedhuset
Hobby og tru, for borna til og med 1. klasse, samlast i kyrkja. Andakt og aktivitetar.

Gutte- og jentelaget, for borna frå og med 2. klasse, samlast til felles oppstart på bedehuset. Andakt, leiker og mat.

NB! Vi minner også om at båten Elieser kjem til Sørvåg tysdag 10. og onsdag 11. september. Her vert det møte med utlodning klokka 19.00 begge kveldane.