Hugs kakebasaren ved butikken i morgon!
/
Det blir kakebasar til inntekt for Fogn Eldresenter fredag 10 aug. frå kl. 15 og laurdag 11. aug frå klokka 10. Det kostar 30 kr pr remse (5 lodd)
Velkommen til å støtte eldresenteret!
Dei fyrste kundane får fiber i morgon!
/Tirsdag 7/8 vil første kunde få fiber i kontakten sin i huset. Dei heldige er Heidi og Morten. Det vil bli ein enkel markering der med Øyposten og involverte frå prosjektet.
Frå 15.00 til 16.00 blir det kaffi og kake på butikken. Der er det og mulighet for å stille spørsmål om framdrift/oppkobling der du bur.
Det blir fortløpande oppkoblingar der som det er klart, så fleire vil få fiber i kontakten frammøve nå.
...
Øyvind Sandanger
Tour of Norway for kids vart suksess!
/
9. juli gjekk landets største sykkelritt for born av stabelen, på den lille øya Fogn, i Ryfylke. Omlag 300 born og vaksne frå både Stavanger, Finnøy, Halsnøy og Hjelmeland hadde tatt turen for å delta på sykkelfesten. Tidligare på dagen, hadde mange frivillige frå Fogn IL rigga reklame, målseil, og scene saman med leiarane av rittet. Alle born mellom 0-13 år, vart delt inn i tre ulike aldersklassar. Ungane sykla eit par rundar i ei 400 meters løype, som var pynta med norske flagg, bannere og mykje publikum langs løypa. Rytterne sykla på fotballbanen, i skulegarden, og på vegen. I målområdet venta ein gymbag, med drikkeflaske, solbriller og anna diverse sykkelutstyr til alle som deltok. Her var alle vinnarar, same premie til fyrste- og sistemann. Det var kiosksal, musikk, speaker og god stemning. Det vart lodda ut tre sykkelskjorter og ein sykkel.
Under kan du sjå bilete frå rittet:
Foto og video: Kristian Iversen
I morgon er det klart for Tour of Norway for kids!
/I morgon er det klart for Tour of Norway for kids, her kjem viktig informasjon frå rittleiar:
Hovedveien ved skulen blir heilt stengt fra kl 16-18. Vi oppfordrer alle til å komme å heie på barna som sykler! Ta med flagg, sauebjeller og supportereffekter. Parkering er det på bedehuset, pakkeriet og eldresenteret, men oppfordrer folk til å gå eller sykle så langt det går!
Mvh Fogn IL og Joker Fogn
Påminning om Tour of Norway for kids
/
Tour of Norway for kids kjem til Fogn om ei veke, måndag 9. juli. Oppmøte klokka 1600 og start av løp klokka 1700. Evt spørsmål kan folk ta med Ivar Opsal på tlf 99567320.
Her er lenka for påmelding:
Rapportar frå Tour de Fogn 2018
/Helga 22.-24. juni går Tour de Fogn 2018 av stabelen. Vi oppdaterer heile helga gjennom!
For oppdaterte resultat kan du klikke her.
Sundag 24.juni - Klatreetappe
Foto Kristian Iversen
Det var knytt stor spenning til den siste dagen i Tour de Fogn. Det var kamp om både sigeren og tredjeplassen i samandraget. Og kven kom til å vinne etappen? Per Steinsland var tilbake etter at han ikkje dukka opp på laurdag.
Startskotet gjekk og tetgruppa var stor, fram til Ivar Opsal satte inn eit rykk like etter Gunhild Sandanger sitt lausdriftfjos. Han fekk omlag 50 meter, før gruppa (ei redusert gruppe) tok han igjen i Sæbøkrossen.
Opp mot Høgaste sykla Jakob, Per og Ørjan med jamn og høg fart. Ryttarane datt av, ein etter ein.
Om Jakob skulle vinne samanlagt måtte han slå Ørjan med 29 sekund. Men trass høg fart på siste runden, var fortsatt Jakob, Per og Ørjan åleine i tetgruppa. I spurtduellen mellom Per og Ørjan, vann Per med nokre centimeter.
Blant damene vann Tora enda fleire sekund på Janne. Tora vann dermed Touren samanlagt.
Njål Hetlelid, snart 70 år, vann alle etappane og touren samanlagt, i klassen 60+. Imponerande!
Under kan du sjå nokre bilete frå etappen:
Lørdag 23.juni - Landeveisritt
20 syklistar var klar for landeveisrittet, to rundar rundt Fogn. Starten var særs roleg. Ingen var særleg dravillig. Etter ein runde passerte hovudfeltet på i underkant av 20 minutter. Ørjan rykka like før toppen av kyrkjebakken, han fekk med seg Jakob. Dei hadde i følgje dei sjølv, eit godt samarbeid. Det endte med spurtoppgjer, dette vann Ørjan Klev Ladstein.
I samendraget er det 28 sekund som skiljer Ørjan og Jakob.
Like bak kom Ivar Opsal, Paul Østebø og Helge Magnar Iversen spurtande om tredjeplassen. Desse tre kjempar også om tredjeplassen samanlagt.
Blant damene tok Tora Sandanger den gule trøya frå Janne Aano Bø. Tora slo Janne med 63 sekund.
Njål Hetlelid syklar og i den gule trøya på søndagen.
Etter premieutdelinga, var det tid for barneritt! Tre ulike aldersklassar sykla tre ulike distansar, og god deltaking.
Du kan sjå bilete ved å klikke her
Fredag 22.juni - Prolog
17 syklistar stod klar på startstreken i den 9. utgåva av Tour de Fogn. Ein kald nordavind møtte syklistane på veg tilbake mot mål, god medvind ut til vending. Forholda var difor ikkje heilt optimale for raske tider.
Den beste tida fekk Arne Torgersen, på 5.33. Riktig nok med EL-sykkel.
Morten Sangedal vart beste Fognbu med tida 6.34. Dei to beste vart Finnøybuar. På andreplass, Per Steinsland med tida 6.24. Ørjan Klev Ladstein vann etappen med same tida han vann på i fjor, 6.15.
I dameklassen var det to deltakarar på startstreken. Janne Aano Bø og Tora Sandanger. Det vart meget jamnt. Det skilde berre seks sekund. Denne gongen var det Janne som var sterkast.
I klassen for dei over 60 år, vann Njål Hetlelid foran Egil Sæverud.
Resultatlista kan du sjå ved å klikke her.
Under kan du sjå litt bilder:
