Bli med på Tour de Fogn 2018!

Helga 22.-24. juni går sykkelrittet Tour de Fogn av stabelen for 8. gong!

Tour de Fogn er rittet for alle, anten du aldri har vore med i eit sykkelritt før, eller om du er ein erfaren syklist med konkurranseerfaring! Her er det eigen dame- og herreklasse, i tillegg til seniorklasse for dei over 60 år. Dersom nokon ynskjer å sykle med el-sykkel, er det også lov, sjølv om dei då berre konkurrerer om heider og ære:) Det er også lov å vere med og sykle, sjølv om ein ikkje kan vere med alle dagane!

Det er ikkje lov med racersykkel eller annan sykkel med bukkestyre. Hjelm er også påbudt. Det kostar 100 kr i startavgift, og ein syklar på eigen risiko.

Her er ein inspirasjonsvideo som Kristian Sandanger Iversen laga i forkant av Tour de Fogn 2017:

Rittet går over tre dagar, og fordeler seg slik:

Fredag 22. juni kl. 18.30: Prolog
Start og mål ved pakkeriet.
Alle syklar dei ca. 4 kilometerane åleine, og startar med eit minutts mellomrom.

Laurdag 23. juni kl. 14.30: Landeveisritt
Start og mål ved Fogn oppvekstsenter.
Fellesstart der ein syklar to rundar rundt Fogn.

Etter at alle er i mål, vert det eit eige barneritt for alle som vil vere med på dette!

Søndag 24. juni kl. 12.30: Klatreetappe
Start ved oppvekstsenteret, mål ved kyrkja
Fellestart der ein syklar frå oppvekstsenteret og nordover langs vegen rundt Fogn. Ved Runastad svinger syklistane til venstre og syklar over høgaste, før dei trillar ned til kyrkja, og avsluttar med ein siste runde rundt Fogn.

Påmelding skjer i skjemaet under:

Fogn slo Finnøy ut av cupen.

Det var duka for lokaloppgjer på Fogn Stadion. Fogn IL tok i mot Finnøy IL, til 1. runde i Obos-cupen. Sidan Fogn er ein divisjon lågare enn Finnøy, fekk heimelaget ein straffe før kampstart. Denne scora Jakob Bø på.

Det var høg temperatur både på banen og i veret. Det endte i mange duellar. Heimelaget pressa på frå start, men etterkvart tok Finnøy meir og meir grep om kampen. Etter knapt 40 minutt spel, scora Ruben Eggebø for Finnøy. Eit fint skot frå omlag 30 meter. Dermed var stillinga 1-1. Dette vart også pauseresultatet.

I 2. omgang fortsette krigen om kva øy som var best med ball. Temperaturen steig blant spelarane. Laga kjempa hardt i kvar duell. Men ingen fekk ballen i mål. Etter 90min stod det framleis 1-1.

Sidan dette var cup-kamp, måtte det spelast ekstraomganger på 2x5min. Den fyrste ekstra omgangen vart mållaus. Men tre minutt ut i den 2. ekstra omgangen gjekk Finnøy opp i leiing. Jarle Sigbjørn Eike var målscorar. Dei fleste trudde med dette at Finnøy kom til å gå seirande ut av 1. rundekampen.

Når tida eigentleg var ute, fekk heimelaget eit frispark på midtbanen. Alle mann var i angrep for Fogn, inkludert keeper Trond Egil Sivertsen. Med marginene på rett side, scora Ørjan Bø Måkestad 2-2 målet. Jubelen var stor, heimepublikummet var i ekstase. No stod altså straffekonkurransen for tur. Fogn bomma på fyrste straffe, resten fulgte opp med scoringar. Trond Egil måtte redde Finnøys siste straffe, ellers var dei ute av cupen. Det gjorde han. Då måtte kvart lag ta ein og ein straffe, heilt til nokon bomma. Fogn scora på sin, medan Trond Egil redda Finnøy sitt. Fogn hadde dermed slått Finnøy ut av cupen.

Under kan du sjå bilete:

Det skjer sundag 03.06

Klokka 11 Søndagsskule avslutning utanfor naustet til Helga og Ståle i Selvåg. Bibelforteljing, mat, leik og bading. Det blir ikkje grilling, ta difor med alternativ mat. Søndagsskulen står for kaffimat.

Klokka 14:45 Lokaloppgjer. Fogn møter Finnøy på heimebane i cupen. 

Møt opp!

Guttelagsbasar i strålande sol!

Vårens guttelagsbasar var dette året utanfor Fogn Oppvekstsenter. Basaren hadde fine rammer, med sol, varme og smilande folk. Jon Olav Østhus leia basaren. Steinar Harestad hadde andakt. Hovudfokuset hans var at Jesus bar alle syndene våre. Etter andakten var det god drøs, kaffi og lappar, wienerpølser i brød og brus. I tillegg var det av song, loddsal og utloddning av mange fine gevinstar. 

Under ser du bilete:

Guttelagsbasar ved oppvekstsenteret!

På fredag 1. juni kl. 18.00 skal Fogn guttelag ha sin tradisjonsrike friluftsbasar. Som vanleg vert det sal av både pølser, lappar, brus og kaffi, det vert utlodning og det vert andakt, denne gongen av Steinar Harestad. Det som ikkje vert "som før", er at basaren vert gjennomført utanfor Fogn oppvekstsenter. Bakgrunnen for dette er at diverse gravearbeider har gjort plenen utanfor bedehuset nokså ueigna til basar akkurat no. 

Guttelaget stiller med bord og benker, så det er berre å møta opp fredag 1. juni klokka 18.00!

Velkommen!

Fyrste siger i boks

Det var strålande sol, og blå himmel. Ambisjonane var store før denne kampen, og mange Fognbuar håpa på sesongens fyrste heimesiger. Då måtte Sørmarka slås. Den fyrste omgangen var svært jamn, men like før slutt gjekk Fogn opp i leiinga. Jørgen Bø lobba ballen fint over keeper. 

I 2. omgong tok Fogn meir og meir grep om kampen. Kjetil Sunde sørga for 2-0 leiing. Fognbuen var i fyr og flamme, på sidelinja. Sørmarka reduserte halvegs ut i 2. omgang. No var det spenning i kampen. Like etter scora Jakob Bø, etter godt angrepsspel, 3-1. Då det var att eit halvt minutt, scora Sørmarka sitt 2. mål.

Kampen enda 3-2. Dermed sesongens fyrste siger.

Neste heimekamp er mot Finnøy IL 03.06. Då håpar me på godt oppmøte!

Under kan du sjå nokre bilete frå kampen: