Flott 17.mai feiring

/

Dette året fekk me særs fint vêr på nasjonaldagen. Sola skinte og temperaturen var 14-16˚C, med andre ord perfekt bunadsver. 17.mai-komiteen hadde gjort ein strålande jobb med pynting, opplegg og aktivitetar. 

Det heile toppa seg med ein strålande festkveld. Meir om dette seinare.

Ved å klikka på denne linken kan du sjå bilete knipsa av Karianne Nordbø Østhus, Kristian Sandanger Iversen og Stig Rolfsen

 

 

Start 17.mai på Eide!

/

17. mai Kl 08.00 vert det lagt krans ved minnesmerket til Marta Jørgensdatter Eide.
Alle interesserte er hjartans velkomne til Eide.

Det var Sigurd Vågane som reiste denne bautaen kort tid før han døydde. Han fann steinen på garden sin, tok han fram, la han på tillhengar og køyrde med traktor til Erfjord for å få innskrift på steinen. Då det var gjort laga han grunn og fundament og reiste steinen. Dette gjorde han så solid og sterkt att bautaen vil kunna stå der i all framtid.

I Amerika slo Marta og Lars seg ned i byen Rocheser. Der kalla dei seg Lars Larson og Martha Larson. Dei byggde seg etter få år eit stort hus. Og dei neste 15 åra tok dei mot ein aukande straum av utvandrarar. Dei hjelpte med mat og husrom og rettleing for den vidare ferda vestover i Kleng Person sine fotspor. Marta som husmor hadde hovudansvaret for å stella alle desse som kom. Ho gjorde det med stor omsorg og hjartevarme.

 

17. maiprogram på Fogn!

/
17 mai gele.jpg

17. maikomiteen på Fogn ynskjer å invitere så mange som mogleg til feiring av Noreg sin nasjonaldag, torsdag 17. mai frå klokka 09.15. Då vert det heising av flagget ved oppvekstsenteret, og etterpå går det "slag i slag", slik vi kan sjå av programmet nedst i denne saka.

Nytt av året er at komiteen har laga eigne aktivitetskort som kan nyttast på dei ulike leikene. Dette gjer det enklare, både for borna og for dei som står på dei ulike stasjonane, når det gjeld administrasjon av betaling/pengar. 

I tillegg vert det, etter at det offisielle programmet er slutt, moglegheit til å sjå Fogn frå lufta gjennom 10-minutters helikopterturar med avgang frå fotballbanen. Dette tilbodet, som er eit privat initiativ, og ikkje i regi av komiteen, byrjar ca. klokka 15.30, og kostar 500 kroner per tur.

Programmet ser elles slik ut:

09.15     Flaggheising ved oppvekstsenteret

09:30     Toget går

10:15     Samling i kyrkja

                Toget returnerer til oppvekstsenteret når samlinga er over

11:30     Matøkt. Kiosk med bl.a. kaffi, brus, pølser og is

12:30     Leiker for store og små

14:45     Premieutdeling

19:30     Folkefest for dei frå 8. klasse og oppover.

                Festtale ved Sylfest Lomheim, språkvitar og professor.

                Dørene opnar kl. 18.45

                Inngongspenger kr. 250 pr person. Maks kr. 750 pr familie (born t.o.m. 19 år)