Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
27. april hadde Fogn A-lag seriestart. Fogn tok imot Madla, denne fine vårdagen i april. Madla gjekk i leiinga etter eit straffespark. Seinare i omgangen dobla Madla leiinga. Rett før pause reduserte Ørjan Bø Måkestad til pauseresultat 2-1.
Ut i 2. omgang auka Madla til 3-1. Tor Olav Bø Måkestad lagde spenning like før slutt ved å setje ballen i nettet, 2-3.
2-3 vart sluttresultatet, denne kvelden. Ein kamp Fogn styrte i periodar.
Under kan du sjå bilete:
Fredag 27. april klokka 18.45 vert fotballsesongen sparka i gong for Fogn IL sitt A-lag i fotball. Dette skjer på Fogn Stadion, og det er Madla 3 som står på motsett banehalvdel. Fogn stiller med ein sterk tropp på heile 18 spelarar, som stort sett har trent jamnt og trutt gjennom vinteren. Grasmatta ser også veldig bra ut, så her ligg alt til rette for ein flott fotballkamp, der det vonleg kjem mange tilskodarar!
Dette er også seriestarten i 7. divisjon avdeling 2, der det i år er 7 lag som skal spela mot kvarandre. I tillegg til Fogn og Madla 3, består avdelingen av Siddis 2, Buøy 2, Sørmarkå, Hinna 2 og Sunde 2.
Søppel, då særleg av plast, er ein "snakkis" for tida, etter at vi har byrja å sjå konsekvensene av kva som skjer når dette hamnar sjøen og naturen elles. Difor passar det godt at Finnøy kommune i år er med på "Hele Rogaland rydder", som går av stabelen torsdag 3. mai. Informasjon om opplegget står på plakaten under, og vi vil særleg nemna at det kjem til å bli sett opp ein eigen container for søppelet som vert plukka denne dagen, på ferjekaien på Fogn.
Bli med og gjer den flotte øya vår enno finare!
Etter den store suksessen i fjor, vert det også i år gjennomført Tour of Norway for kids på Fogn til sommaren! Alle detaljane er ikkje klare enno, men det folk alt no kan gjere, er å sette av måndag 9. juli, som er dagen då "sirkuset" kjem til Fogn!
Tour of Norway for kids består av korte sykkelritt for barn i alle aldrar, og alle som deltek får både t-skjorte og andre sportsrelaterte artiklar. I tillegg blir det trekt vinnarar av diverse flotte gevinstar, mellom anna ein sykkel! På toppen av det heile er det knallgod stemning i start/målområdet, TV-team frå TV2, sal av diverse og eigen speaker som held "trøkket" oppe heile tida arrangementet pågår!
Sjå TV 2 sitt innslag frå fjorårets Tour of Norway på Fogn ved å klikke HER (Facebook)
Over 100 hytter og hus har teikna seg, men snart er det for seint å bli med i første runde, og til denne gode prisen. Det kan også bli langt å "grava sjølv" for dei som ikkje vil teikna seg i denne runden, der fristen går ut fredag 6. april.
Dei som vil knytte seg til fiber no, men som ikkje har bestilt enno, må sende ein mail til privatfiber@lyse.no!
Påska på Fogn er godt i gong, noko ein kan sjå på biletet over, som er henta frå jentelagsbasaren fredag 23. mars. Her var det veldig mange folk, veldig mange gevinstar og veldig god stemning! Når det i tillegg kom inn veldig mykje pengar, må ein kunne seie at det var ein veldig vellukka basar! Men basaren er berre det første av mykje som skjer på Fogn i påska 2018!
Søndag 25. mars
Etter å ha gått "hardt ut", og sagt at det skjer så mykje på Fogn i påska, er det kanskje litt rart å først nemne ein dag der det skjer særs LITE på Fogn denne påska, nemleg palmesøndag. Grunnen til at det korkje er søndagsskule, møte på bedehuset eller gudsteneste i kyrkja denne dagen, er nemleg at det er den tradisjonsrike påskevandringa på Finnøy (Nordre Vignes, følg skilting frå Ladstein ved behov). Her er det start mellom klokka 12.00 og 13.00, noko som gjer at ferja frå Fogn kl. 11.40 passar ypperleg for dei som vil få med seg ei flott påskevandring!
Onsdag 28. mars frå kl. 18.00
Loddsegjerar kjem på dørene i hytter og hus. Inntektene går til Fogn IL.
Skjærtorsdag kl. 11.00
Nattverdmøte på bedehuset.
Arr: Fogn misjonsforsamling
Skjærtorsdag kl. 14.00
Eggkoking i Domfjelldalen.
Parkering ved Erås museum, eller gå frå der du vil, så møtes vi ved bekken. Ta med eigen mat. Det blir quiz og frukt.
Arr: Fogn Helselag, Speidaren og Fogn IL
Langfredag kl. 10.30
Pasjonsgudsteneste ved prest Tor Egil Eriksen
Påskeafta
Påskebasar på butikken. Loddsal frå kl. 09.00. Servering av lappar, kake, saft og kaffi. Trekning kl. 14.00.
Arr: Fogn IL
1. Påskedag kl. 11.00
Høgtidsmøte på bedehuset. Keld Hoelgaard talar. Det vert også teke opp kollekt.
Arr: Fogn Misjonsforsamling
1. Påskedag kl. 18.30
Høgtidsgudsteneste ved prest Terje Engstrøm. Song av Fognakoret. Nattverd. Takkoffer til Misjonsprosjektet.
Powered by Squarespace
