Perfekt skøytedag på Torvmyrå!

Fredag 8. januar gjekk elevar og tilsette frå skulen på Fogn til Torvmyrå for å bruka skuledagen på isen der. Sjølv om gruppa på nærmare 50 personar var der i fleire timar, var det ingen som spurte om å få gå heim, for her var det knallkjekt å vere! Skøyter, grilling, bruskassar, samspel og leik var viktige stikkord for denne dagen, der sola også viste seg etterkvart! Elevane viste seg som imponerande gode på skøyter, og då runden rundt Torvmyrå vart målt til å vere 130 meter lang, var det ikkje lenge før tre elevar noterte seg for kvar sin 10 000 meter på skøyter! Imponerande av Josef Bø og brørne Filip og Kristian Iversen!

Sjå kjekke bilete frå den flotte dagen i serien under!

Grendalaget si uttale om nye ferjeruter

Når kjem denne ferja til å gå når vi kjem lenger ut på våren tru? 

Som vi skreiv om mot slutten av 2015, så vart nye ferjeruter frå våren 2016 lagt ut på høyring, med frist for tilbakemelding i januar 2016. Under er uttalen frå Fogn grendalag: 

Fogn Grendalag har nå hatt en gjenomgang av forslag til nye ferjeruter i Finnøysambamdet, samtidig fått tilbakemelding fra befolkningen på Fogn. Vi  ønsker å komme med følgende forslag til endring på rutene:

Forslag nr 1:

Avgang: Judaberg – Fogn (rute 2) kl. 20:45 man/lør (retur Fogn- Judaberg kl 21:00)

Begrunnelse:

Fogn har ikkje anløp fra Judaberg til Fogn mellom kl: 20.00 og 22.25.

I denne tiden ligger ferja (rute2)  i ro på Judaberg fra kl 2045-2115. Så det får ingen konsekvenser for anløp andre steder om den går til Fogn. Dette er også et tidsrom hvor mange barn/unge kommer fra fotballtrening/kamper og andre aktiviteter på Finnøy, hvor de idag står lenge å venter for å komme hjem.

Forslag nr. 2:

Avgang: Judaberg – Fogn (rute 2) kl.08:15 søndag (retur Fogn – Judaberg 08:30)

Begrunnelse:

Søndag går første ferje til Fogn kl: 09.30. For de som jobber nattevakt betyr dettte at man må vente 2 timer før man har mulighet å komme hjem, også for andre tilreisende er dette et dårlig tilbud. Vi ser at rute 2, uten andre endringer blir ca 30 minutt forskjøvet  f.o.mavgang Judaberg 08.15, men ikkje nødvendigvis dårligere for brukerne av Finnøysambandet.

Forslag nr. 3:

Vi ber også at det blir tatt hensyn til korrespondansen mot Skipavik(Nesvik)

God stemning på nyttårscup!

Også i år vart den tradisjonsrike romjulscupen i volleyball til ein nyttårscup grunna gunstig kalender for dei som er glade i mange fridagar ved juletider. Det var ikkje fleire enn fire lag som hadde meldt seg på cupen, men desse gav til gjengjeld alt, og syte for at cupen også i år vart ein suksess!

Dei fire laga, "Dreamteam", "Oppsop", "Team Ambulanse" og "Vinnarlaget frå i fjor og forfjor" spelte først gruppespel, som la grunnlaget for kven som møtte kvarandre i semifinalane. Då desse var unnagjort sto "Oppsop" og "Vinnarlaget frå i fjor og forfjor" att som finalelag. Her var det sistnemnde som trakk det lengste strået då dei vann 2-0 i sett, og difor kan kalla seg "Vinnarlaget frå i fjor, forfjor og året før det" dersom dei melder seg på også til neste cup. 

Under er eindel bilete frå det som skjedde denne laurdagskvelden. Desse er knipsa av Jørgen Bø jr, Jakob Bø og Håvard Østhus.

Felles fyrverkeri på nyttårsaften!

På same måte som i fjor, arrangerer Fogn IL og Grendalaget felles oppskyting av fyrverkeri på fotballbanen klokka 19.00 på nyttårsaften. Dette var veldig populært i fjor, då også dei yngre borna fekk sjå "skikkeleg" fyrverkeri på nyttårsaften!

Parkèr ved oppvekstsenteret, og gå bort til fotballbanen, der oppskytinga foregår. Velkommen!

NB! Det er vèrforbehold knytta til oppskytinga. Sikkerheita kjem som alltid først!

Det skjer på Fogn i jula

Det skjer som vanleg ein heil del på Fogn i jula, berre sjå her!

Onsdag 23. desember - kl. 23.00
Ungdomslaget arrangerer midnattsamling i kyrkja
Uformell samling med drøs, lesing av juleevangeliet og klementiner!
Alle frå og med 8. klasse er velkomne!

Julafta - kl. 13.00
Gudsteneste ved Anders Kvalevåg
Song ved Fognakoret
Takkoffer til Talgje sokn sitt misjonsprosjekt

1. Juledag - kl. 12.00
Høgtidsmøte på bedehuset
Andakt ved Paul Aano
Kollekt til hjelpeprosjektet "Redeemed in Zion"

2. Juledag - kl. 12.00
Gudsteneste ved Anders Kvalevåg
Nattverd
Takkoffer til Åpne dører

3. juledag - kl. 18.00
Søndagsskulen sin juletrefest på bedehuset
Andakt av Dag Olav Sæbøvåg
Elles vert det gong rundt juletreet, og det som elles høyrer med på ein tradisjonell juletrefest.
50 kr per person, maks 150 kr per familie.

Laurdag 2. januar - kl. 16.00
Fogn IL sin nyttårsmarsj med start ved skulen.
Me går løypa Bø - Høgaste - Erås og så tilbake til skulen. 
50 kr per deltakar, maks 150 kr per familie.
Gløgg og pepperkaker etterpå.

Laurdag 2. januar kl. 18.00
Fogn IL sin volleyballcup i gymsalen.
Blanda lag med minimum to menn/damer.
Påmelding av lag frå 8. klasse og oppover til Jakob (99014338) eller Pål (97040089), seinast kvelden før.
Premiering: Vandrepokal
Sal av pizza, brus og sjokolade.

Følg med på Fogn.org for eventuelle endringar eller andre arrangement.

God jul!

Juleavslutning på oppvekstsenteret

Torsdag 17. desember var det igjen tid for juleavslutning på Fogn oppvekstsenter. Gymsalen var full av spente born, føresette og tilsette alt før klokka var 18.00 og festen skulle starte. Som vanleg var det barnehagen som "drog det heile igong" utkledd som Lucia, før vi fekk sjå bilete frå hausten som låg bak og framføringar frå alle dei ulike elevgruppene. I tillegg hadde 7. klassingane hovudrollene i ein liten film, der dei hadde "overteke" personalrommet medan dei tilsette måtte stå på utsida og sjå at elevane koste seg med mykje snacks. 
Som vanleg var det juletregong og matøkt midt i festen, som var slutt like før klokka halv ni.

Under er ein heil del bilete frå det som hende denne kvelden! Julie Bø har knipsa alle bileta frå gymsalen, medan Håvard Østhus har fotografert juletregongen.