God stemning og flott oppmøte!

/

Omlag 40 born frå 2.-8. klasse møtte opp då jente- og guttelaget hadde felles oppstartsamling for vårsemesteret på måndag. Den store gjengen fekk med seg andakt, song, pølser, sjokoladekake, brus og leiker. Stemninga var god heile kvelden, og dei 10 leiarane frå dei to laga var særs godt nøgde med både oppmøte og samlinga elles, då dei sendte borna heim i sjutida!

I tillegg til jente- og guttelaget, som er frå born frå 2. klasse og oppover, starta også "Hobby og tru" opp i kyrkja i dag. Dette er eit tilbod for born opp til og med 1. klasse. Desse laga vil ha samlingar annankvar måndag framover. Måndagane "imellom" er det øving for barnekoret "TøfFOGNådig" i kyrkja, eit tilbod for born frå og med 1. klasse.

Under er nokre fleire bilete frå jente- og guttelaget på måndag:

Felles oppstart i jente- og guttelaget på måndag

/

Måndag 12. Januar klokka 17.30 startar jente- og guttelaget opp med felles barnemøte på bedehuset. Det er jentelagsleiar Margrete Frafjord som har kontakta Fogn.org og melder om at det kjem til å verta ein innhaldsrik kveld med:

  • Andakt av Håvard
  • Leik og moro
  • Pølser, sjokoladekake og brus

Dersom nokre foreldre vil vere med, er dei veldig velkomne til det. Vi har i så fall kaffien klar...

"Nina" på besøk på Fogn!

/

Laurdag 10. Januar kom stormen "Nina" på besøk til Fogn. Sjølv om vinden, som kom frå vest, var sterkast ute ved kysten, merka vi den godt også lenger inn i fjordane. I tillegg til vinden, førte stormen med seg ein uvanleg høg vannstand. 

I galleriet under ser de bilete knipsa på ulike stader og av ulike personar på Fogn i helga. Har du fleire bilete er det berre å senda dei til fogngrendalag@gmail.com, så vert dei lagt inn i serien under!

Søppeltømming 2015

/
Rymi.jpg

Kvart år får vi ein tømmekalender i posten, som syner når søppelbilen kjem og tømmer søppelbøttene på Fogn. Kalenderen for 2015 vart sendt ut i desember, men det er gjerne ikkje alltid vi har den foran oss når står der ein kveld og lurer på om det er søppeltømming morgonen etter. Difor la vi ut ei lenke til kalenderen for 2014 på Fogn.org i fjor, og "gjentek suksessen" også med årets tømmekalender.

I kalenderen finn du i tillegg nyttig informasjon som t.d. opningstidene for gjenvinningsstasjonen på Judaberg (onsdag 13.00-17.30 og laurdag 10.00-13.00). Og visste du at det var ei byttebu på gjenvinningsstasjonen, der du kan setje frå deg og ta med deg ting du og andre synest er for fint til å kaste, men som kan få skifte eigar? Dette kan du lese meir om i tømmekalenderen for 2015 som du finn nede til venstre på framsida av Fogn.org, eller ved å klikka HER.

Flott nyttårscup!

/

Årets nyttårscup, som tidlegare år har vore ein romjulscup, gjekk av stabelen fredag 2. januar i gymsalen på Fogn oppvekstsenter. Påmeldinga var rekordstor, og heile 10 meir eller mindre komplette lag var klare til å kjempe om vandrepokalen. Etter 27 kampar, mange fine ballvekslingar, ein heil del engasjement og mykje skrik og skrål, var det laget med det kreative namnet "Vinnarlaget frå i fjor" som sto att som sigerherrar i finalen mot "Team Kjølvik".

I tillegg til mange aktive spelarar på banen, var det mange som tok turen for å vere tilskodarar, og desse skapte ei ekstra fin ramme rundt arrangementet!

Nytt av året var at resultata vart fortløpande oppdatert på ein TV-skjerm i foajeen. Her var det eit rekneark med kampoppsett, resultater og puljetabellar. Dei ekstra interesserte kan sjå dette reknearket ved å klikke HER.

Under er ein fyldig bildeserie frå cupen. Der kan de sjå bilete frå mykje av det som skjedde under sjølve cupen, og ikkje minst den heftige mengden konfetti som vart skoten ut då vinnarlaget mottok pokalen sin. Bileta er knipsa av Jørgen Bø, Karl Magne Frafjord og Håvard Østhus.

Idrettslaget minner om varetellingsdugnad

/

Først av alt, godt nytt år!!!

Som tidligere kommunisert har vi tatt på oss jobben med årets varetelling på Joker Fogn. Denne går av stabelen lørdag 3. januar fra klokken 09.00-18.00. For dugnadsjobben mottar idrettslaget 15.000 - 20.000 kroner, alt etter hvor flinke vi er til å bidra. Så her er det bare å møte opp med godt humør. Pengene skal sammen med en del av idrettslagets egenkapital benyttes til å oppgradere nærmiljøanlegget på Fogn Oppvekstsenter. 

MEN, for å kunne gjennomføre varetellingen trenger vi hjelp av dere som foreldre av idrettslagets aktive barn. Det blir 3 timer per familie, og oversikten er som følger:

09:00-12.00
Fam J Bø
Fam Sevheim
Fam Løkset
Fam Øyvind Sandanger
Fam Håvard Østhus
Fam Kristoffer Østhus
Fam Rolfsen

12.00-15.00
Fam Sangedal
Fam Torgersen
Fam Lasse Hovda
Fam Straumstein
Fam Aukland
Fam Sunde
Fam Ståle Runestad
Fam Marianne Ward

15.00-18.00
Fam Grønås
Ottar Sandanger
Fam Rørheim
Fam Borgemyr
Fam Sivertsen
Fam Sandanger Iversen
Fam Berland

Vi håper at minst en representant fra hver familie har mulighet til å stille, slik at vi får gjort jobben raskt og effektivt. Dersom tiden ikke passer, så er det selvfølgelig muligheter for å bytte internt. Dersom det absolutt ikke passer, gi beskjed til Jakob på 990 14 338 eller Heidi på 470 10 909 snarest. 
Det er selvfølgelig også mulig for alle andre medlemmer/interessenter å delta på varetellingen, frivillige kan henvende seg samme plass… ;-)

TEKST: Pål Rune Grønås