Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Som Fogn.org tidlegare har skrive om, så har Thor Jansen open juleverkstad i heile november og halve desember. Der kan dei som ynskjer det koma og laga tauprodukter, og dei treng kun å betala for tauet dei bruker.
Thor har sendt over nokre bilete til Fogn.org, som syner at folk nyttar seg av tilbodet om taubinding. Gjengen som har vore på besøk ser også ut til å ha fått servert god mat på juleverkstaden! Sjå bileta under.
Skulevegen vår er ikkje tilrettelagt for fotgjengarar eller syklistar. Det er og ganske mykje trafikk i tida rundt skulestart. Nokre byrjar på arbeid i denne tida, det er ferjeanløp, og skulestarten i seg sjølv skapar ein del trafikk. Me kontakta for ei tid tilbake lensmannen i Finnøy for å få til ein refleksdag med deltaking frå politiet. Politiet kunne opplysa om at dette har ein stort sett slutta med pga. at ein ser liten effekt. Det som derimot viser seg å ha større effekt er påminning og holdningskapande arbeid retta mot foreldra og andre som ferdast langs skulevegen. Når me nå går inn i dei mørkaste månadane i året vil FAU ved Fogn oppvekstsenter, etter anbefaling frå politiet, koma med følgjande oppmoding:
Til foreldra: Born som går eller syklar til skulen om morgonen bør absolutt bruka refleksvest! Refleksband eller små runde refleksar er bra, men aller best er å bruka refleksvest. Dersom sekken skjuler deler av refleksvesten, kan det vere ein idè å hengje ein refleks på sjølve ryggsekken.
Til foreldre og andre som ferdast i bil: Køyr varsamt! Vegtrafikklova er særs klar på dette punkt: "Enhver skal ferdes hensynsfullt og være aktpågivende og varsom så det ikke kan oppstå fare eller voldes skade". Me skal altså køyre slik at det ikkje eingong kan oppstå fare! Som bilistar har me eit stort ansvar her. Ellers er det sjølvsagt viktig at me vaksne går føre som gode rollemodellar når det gjeld bruk av refleks. Lys opp haustmørkret, og ikkje minst køyr varsamt!
FAU ved Fogn oppvekstsenter.
Laurdag 9. november, frå klokka 10.00 skjer det. Det er tid for dugnad på bålhuset igjen!
Byggmester Malvin ynskjer hjelp til å ferdigstille pipa på bålhuset. Etter denne laurdagen starter han med julekransar og slike saker.
Malvin håper at 4-5 snekkerinteresserte kan ha mulighet til å bli med. Det vert bål og servering i skogen.
P.s. Alle må ikkje kunne like mykje om snekring for å bli med på denne kjekke dagen!!! Lurer du på noko om bygginga, ta kontakt med Malvin på telefon 93 42 21 91. Velkommen!
Tekst: Ingeborg Bø
November er over oss, og då må det vera lov å byrja å tenkja litt på jula som nærmar seg. Vi veit at gåver har blitt ei sentral del av julefeiringa, og kva skal ein igrunnen gi til den som har alt? Dette kan Thor Jansen hjelpa deg med! Thor har nemleg open juleverkstad i heile november og halve desember. Alle som vil kan koma til taubinderiet hans, få hjelp til å laga originale gåver, og så treng dei kun å betale for det tauet dei bruker. Thor har mange idear til ting som kan lagast, og med så mange års erfaring har han også ein heil del å læra vekk.
Det er ein fordel om folk som vil nytte seg av juleverkstaden ringer Thor på førehand, for å avtala tidspunkt. Hans telefonnummer er 92 41 98 70.
Så kan vi kanskje håpe at nokon tek bilete av dei ferdige resultata og sender til Fogn.org? Vi treng sjølvsagt ikkje avsløre kven som har laga, eller kven som skal få gåva...
Torsdag 23. oktober utgjorde barnehageborna og elevane ved Fogn oppvekstsenter ein forskjell for mange born i det asiatiske landet Laos. Då gjennomførte dei nemleg årets U-landsaksjon, og samla inn nesten 17 000 kroner som skal gå med til at born i Laos skal få gå på skule og få undervisning på deira eige språk!
Pengane kom inn på mange måtar, her er det berre å nemna i fleng:
Godt med folk møtte opp og la som nemnt igjen nesten 17 000 kroner som organisasjonen "Hei Verden" vil bruka på ein god måte blant borna i Laos.
Under er ein serie med bilete frå aksjonen:
Siste søndag i månaden er turdag på Fogn, og no på søndag er det igjen tid for å finna fram gode klede og koma seg ut i haustnaturen! Oppmøte er klokka 14.00 ved kyrkja, før turen går til Stavnes, om Bøvågen (via Janne Grethe og Arve).
I Stavnes er det sett opp bålpanne, slik at dei som ynskjer kan ta med grillmat. Dei som ynskjer kan ta med anna godt også...
Turen er arrangert av Speidarane, Fogn IL og Fogn helselag. Speidarane vil underholda med informasjon om Norden generelt og Sverige spesielt.
God tur på søndag!
Powered by Squarespace
