Dugnad i Skinnvigå på laurdag!

Skinnvigå vert gjerne omtalt som Fogns flottaste badeplass, og det med rette! Her er det ei vakker, langgrunn sandstrand med eit fint belte av gras på oppsida. I tillegg er vika lun, slik at det er dei færraste vindretningane som "tek" skikkeleg her. Den største utfordringa knytta til Skinnvigå har vore adkomsten, som gjerne har vore vel "kronglete" for dei som kjem frå landsida. Dette vart det teke tak i i fjor, då fleire dugnadsøkter resulterte i ein meir eller mindre ferdig sti heilt frå drivhuset til Jon Olav Runestad, og ned i Skinnvigå. Denne stien, og kanskje sjølve badeplassen, treng no ein dugnad for å bli sett i god stand før "sesongen" tek til for alvor. Dette har grendalaget teke tak i, og kallar inn til dugnad på laurdag 31. mai frå klokka 10.00 og utover. Møt opp og parker ved drivhuset til Jon Olav. Grendalaget, som står som arrangør av dugnaden, byr på grilla pølser, kaffi og ein kakebit omlag midt i økta, så her er det berre å koma med friskt mot!

Det kan også nemnast at dette er den siste dugnaden før kommunen kjem og inspiserer sti og badeplass, med tanke på utbelating av nokre midler det vart søkt om for ei tid tilbake. Bli med og gjer ein innsats for at desse midlane kjem inn, og ikkje minst at vi får ein ny flott badesesong i Skinnvigå!

PS! Sjølv om mange gav si stemme til Skinnvigå i "kampen" om ein grill frå Gilde og Snøhetta, nådde ikkje vårt bidrag heilt opp. Til slutt kom vår badeplass på 148. plass i konkurransen, og vi måtte vere blant dei 100 første for å kome vidare...

På tur med biskopen

Biskop Erling Pettersen (foto: Stavanger Aftenblad)

Else Jorunn Løland Vold og fleire med ho, tok turen til Sjernarøy på Kristi Himmelfartsdag. Bakgrunnen var biskop Erling Pettersens visitas, og Else Jorunn har skrive saka under til Fogn.org. Ottar Sandanger har bidrege med bilete. Tusen takk til begge to!

Vi har bispevisitas i disse dager, i Finnøy kommune og idag innebar det for oss fognbuer at vi tok skyssbåt med Helgøy Express kl. 0945 fra Sæbøvåg, og opplevde å ta imot nye reisende både på Judaberg, Halsnøy og Nord - Hidle, før vi endte ved den gamle kaien på Eik på Kyrkjøy i Sjernarøyene. Flokken vandra den gamle kyrkjestien og fikk øye på den gamle røde kyrkja over bakkekammen. En så vakker dag fikk vi, og kjente oss rike som fikk samles til gudstjeneste i ei kyrkje som har samla mennesker i årtider under skiftende vilkår. Biskop Erling Pettersen la ut ordet på en slik måte at vi fikk ta imot og kjenne oss tatt imot. "Til kvar einskild av oss er nåden gjeven, alt etter som Kristi gåve blir tilmålt. Difor heiter det: Han steig opp i det høge og førte bort fangar, og han gav menneska gåver. Men at han steig opp, vil ikkje det seia at han først hadde stege ned til det aller lågaste, til jorda? Han som steig ned, er den same som steig opp, høgt over alle himlar, for å fylla alt." Efesarane 4: 7 - 10. Med seg i gudstjenesten hadde biskopen klokker Kari Nordheim, kirketjener Anne Skogen, prost Kjetil Aano og sokneprest Terje Engstrøm. Fra kirka vandret vi de grønne stiene til Sjernarøytunet og sjelden har vi opplevd en slik raus kirkekaffe. Smørbrød, kaker, velvillig service og sangstund med både Alfred Hauge og Kolbjørn Hauge sine Sjernarøysanger. Bispen kunne ikke dy seg fra å dele ei bergensvise godt akompanjert av Nils Trygve Hauge på torader, som sammen med Kari Norheim førte oss gjennom denne stunda. Gode og mette og rike på trivelige opplevelser la vi på nytt av gårde, denne gang i Alfred Hauges fotspor. Else Norheim, som hadde en far som var venn med Alfred Hauge, husket at hun som barn erfarte at han var en av de voksne som lyttet til det de som barn hadde å fortelle. Det var ikke helt vanlig å oppleve, da barn vanligvis ikke skulle høres når voksne kom sammen! Med sin lange erfaring som Sjernarøybu i tillegg, gav Else Norheim oss innsyn i Alfred Hauge sitt liv, forfatterskap og tilknytning til de stedene han hørte til. Vi gikk rundt nullen og fikk inspirerende fortellinger, utdrag fra forfatterskapet og faktaopplysninger om både barndomsheim, hytta han bygde og stedene han var glad i. Fra Eik fikk vi på nytt Helgøyskyssen med Øyvind Sandanger ved roret, og i returen la han ferden gjennom det smale Hidlesundet, til ære for gjestene. Stas. Vi gikk trygt iland i Sæbøvåg, som de siste som forlot båtskyssen, og vil varmt anbefale deltakelse i visitasgudstjenesten i Hesby kyrkje førstkommende søndag.

Gallery Block

These are example images. Double-click here to replace these images with your own content. Learn more

Fogn til topps, trass poengtap!

Arkivfoto.

Fogn IL - Staal Jørpeland 3: 3-3 (3-1). Før kampstart var premissane klare: med poeng i dag, ville Fogn gå til ein førebels topp på tabellen i 7. divisjon. Etter kampen var Fogn på topp, men stemningen var ikkje akkurat høgt oppe. Les kvifor i denne saka!

Fogn kom frå to strake sigrar, og var stinne av sjølvtillit før dagens heimekamp. Mykje folk på sidelinja og varmt vårvèr skapte også god stemning, så her var rammene klare for ein festkveld! Men Fogn virka ikkje heilt "påskrudde" det første kvarteret av kampen, og det var ikkje mot spelets gong at bortelaget tok leiinga etter ein corner frå venstre, 0-1.

Etterkvar "vakna" Fogn meir og meir, og det skulle gi resultater! Håvard Østhus sette press på Staals venstreback, slik at han mista ballen medan keeper var langt ute av mål. Bordet var altså dekka for Håvard, som plasserte ballen i mål med venstrefoten frå omlag 20 meter, 1-1!

Deretter gjekk det berre få minutter før Fogn tok over leiinga i kampen. Martin Østhus slo ein presis corner frå venstre, slik at den hamna på pannebrasken til Jakob Bø på bakre stolpe. Jakob gjorde ingen feil, men stanga ballen i mål til 2-1 og jubel frå heimetilskodarar og spelarar!

Ikkje lenge etter auka Fogn leiinga. Jakob stal ballen frå bortelaget, og fleire spelarar kom framover på ei kontring. Jakob spelte gjennom Trond Arne Borgemyr på høgresida, som tok ballen med seg til dødlinja. Trond Arne slo så ballen ut i feltet der Håvard fekk godt treff på volley, 3-1! Dette resultatet heldt seg til pause.

I andre omgang gjorde Staal fleire bytter, noko som såg ut til å svekka laget. Då dei derimot la om formasjonen til 4-3-3, og sendte ein av backane sine opp i angrep, gav det fort resultat då den nemnde backen sette inn eit reduseringsmål til 2-3.

Etter dette bølga spelet fram og tilbake, utan at Staal kom til dei store sjansane. Det gjorde derimot Fogn, då nok ein flott corner frå høgrefoten til Martin traff panna til Jakob, som diverre ikkje klarte å presse ballen lenger ned enn i tverrliggaren og ut! Med 4-2 der hadde nok kampen vært avgjort, men no vart det i staden Staalstormløp for å få utlikninga. Bortelaget kriga seg mellom anna fram til fleire cornarar, og nettopp på ein corner, omlag 2 minutter før slutt, skjer det som vart det store samtaleemnet etter kampen.

Før corneren blir tatt, er det eindel knuffing foran keeper Trond Egil Sivertsen. Midtstopparen til Staal er mellom anna framme og trakkar på Trond Egil, som svarar med ein bevegelse som dommaren oppfattar som eit slag. Han går rett bort og viser det raude kortet til Trond Egil, slik at Jon Østhus må ta på seg keeperdrakta idet Trond Egil tuslar av banen. Samstundes dømmer dommaren straffe til Staal, sjølv om ballen ikkje var i spel då forseelsen skjedde. Dette bryt med fotballens kampreglement § 10, der det står at: «Straffespark dømmes mot et lag som har begått en av de ti forseelsene som medfører direkte frispark til motstanderen når forseelsen er begått innenfor eget straffesparkfelt og ballen er i spill». Trass sterke protestar frå både heimelag og publikum, sto dommaren på sitt. Straffesparket vart sikkert sett i mål til 3-3, og etter det skjedde det ikkje meir av interesse i kampen.

Då dommaren bles av, vart det naturleg nok eindel faglege diskusjonar ute på banen. Dommaren var skråsikker i si sak, og lo vekk dei som tenkte høgt om å sende inn ein protest på det som hadde skjedd. Tonen var imidlertid ikkje ufin, og folk var trass alt godt nøgde med å sjå Fogn på toppen av tabellen, om enn berre for nokre dagar. Om ei veke ventar ein vanskeleg bortekamp mot Stavanger Titan, og då gjeld det å nullstille etter dagens lille nedtur, og "trø til" for tre nye bortepoeng!

Tabellen er lystig lesning for tida..

Kampfakta:

Fogns lag: 
Trond Egil Sivertsen
Martin Østhus
Sigve Bø
Rolf B Østhus
Ivar Opsal
Johannes Hovda jr
Jakob Bø
Lars Olav Bø
Håvard Østhus
Sergejs Kononov
Trond Arne Borgemyr

Innbyttarar:
Jon B Østhus (benytta)
Kristoffer Runestad( benytta)
Harald Østhus (benytta)
Tobias Sunde (benytta)
Ørjan Klev Ladstein

Mål: Håvard (2) og Jakob

Assist: Martin og Trond Arne

Gule kort: Johannes, Sigve, Jon

Rødt kort: Trond Egil

Sjå video av vakre Fogn frå lufta!

No er endeleg den siste filmen som vart produsert til 17. maifeiringa på Fogn funne vegen ut på internett. Det dreier seg som "flyvideoen" som innleia folkefesten om kvelden. Videoen er utelukkande filma med eit slags mini-helikopter, best kjent som "drone". Sjå og nyt!

Første bortesiger sidan september 2010!

Matchvinnar Ørjan og straffereddar Trond Egil jublar for Fogns sterke bortesiger, tysdag kveld.

Randaberg 3 - Fogn IL: 1-2 (1-1). Tysdag kveld gjorde A-laget til Fogn IL noko dei ikkje har gjort på nesten 4 år; vann ein bortekamp i serien! Og det måtte faktisk ein Finnøybu til for å avgjere kampen mot dei svartkledde frå Randaberg!

Ikkje sidan 2-0 sigeren mot Vidar 2, 20. september 2010, har Fogn tatt med seg alle poenga heim etter ein bortekamp i serien. Eit og anna uavgjortresultat har det jo vorte, men i fjor var det faktisk berre tap då Fogn spelte vekke frå tomatøya. No kom dei blåkledde rett nok frå ein overbevisande 3-0 siger heime mot Mastra 2, og Randaberg 3 hadde berre eit poeng etter tre spelte kampar, men likevel var det ikkje gjort at dette skulle verta ein klar B på tippekupongen (no kjem nok aldri Fogn til å hamne på ein slik kupong, men det passa så fint inn i denne samanhengen...).

Kampen på Randaberg var berre to minutter gamal då Randaberg fekk straffespark, etter at Martin Østhus hadde vore vel røff med ein motstandar i feltet. Straffa var velplassert ute til venstre, men eit tigersprang frå keeper Trond Egil Sivertsen redda skotet, slik at stillinga framleis var 0-0.

Omlag eit kvarter seinare løsna straffeskytaren nok eit skot, denne gongen frå distanse. Skotet traff nokså midt på Trond Egil, som vart blenda av den låge sola, og slapp skotet forbi seg til 1-0 til heimelaget.

Etter dette tok Fogn meir over, sjølv om dei ikkje briljerte på nokon måte. Martin Østhus var friskt framme på venstrekanten ved eit par høve, og vart til slutt meia ned av ein forsvarar slik at Fogn fekk frispark i innleggsposisjon. Martin slo inn ballen sjølv, mot Olav Østhus som fekk kriga den vidare til Håvard Østhus som sto på bakerste stolpe, og kunne breiside inn utlikninga frå 3 meter, 1-1!

Uavgjortresultatet sto seg til pause, der Fogn fokuserte på å ikkje dette saman, slik laget har gjort i siste halvdel av kampen ved andre høve. I dei første 10 minutta av andreomgang såg det ikkje ut til at bortelagets spelarar hadde forstått det som vart sagt i pausen, for det var Randaberg som styrte kampen, men utan å kome til dei store sjansane. Etterkvart, som i første omgang, tok Fogn meir og meir over, og hadde heilt klart overtaket dei siste 30-35 minuttene av kampen. Bortelaget kom til fleire sjansar, og Randaberg måtte ved fleire høve ty til ufine triks for å hindre Fogn i å kome gjennom forsvaret. Dei fekk betalt i eindel gule kort, og 10 minutter før slutt fekk ein av deira spelarar sitt andre gule for dagen, og måtte forlate banen. Fogn storma framover for å få vinnarmålet, men det såg ikkje ut til å lukkast, før kampen var på overtid...

Innbyttar Daniel Hagen jobba på ein lang ball som vart spelt opp frå forsvaret til Fogn, og kom plutseleg ein mot ein mot ein Randabergforsvarar. Daniel fekk aldri avslutta skikkeleg, men ballen hamna til slutt ute til venstre på omlag 16 meter, der ein annan innbyttar, Ørjan Klev Ladstein, kom springande. Ørjan klinka til med sitt første, og Fogns siste spark på ballen, noko som førte til at den susa via nærmaste stang og vidare inn i nettmaskene, 1-2, og elleville jubelscener der Fognaspelarane låg i ein haug over matchvinnaren, som hadde skåra sitt første mål for A-laget!

Det einaste Randaberg 3 rakk etter dette, var å ta avspark, og så bles dommaren i fløyta si, slik at Fogns første bortesiger på nærare fire år var eit faktum! Sigeren fører Fogn opp på ein førebels andreplass på tabellen, to poeng foran Finnøy, som tapte 3-0 borte mot Staal Jørpeland 3 i kveld. Alt på fredag får Fogn besøk av nettopp Staal 3, i noko som vert ein toppkamp i 7. divisjon. Då satser ein på at masse folk og god stemning skal hjelpe dei blåkledde fram mot noko så sjeldant som 3 sigrar på rad. Må ein tilbake til førre årtusen for å finne ut når det skjedde sist?

Kampfakta:

Fogns lag: 

Trond Egil Sivertsen
Martin Østhus
Ivar Opsal
Olav Østhus
Pål Rune Grønås
Rolf Østhus
Johannes Hovda jr
Jakob Bø
Lars Olav Bøe
Sergejs Kononov
Håvard Østhus

Reservar:

Kristoffer Runestad (benytta)
Daniel Hagen (benytta)
Ørjan Klev Ladstein (benytta)
Harald Østhus
Tobias Sunde

Mål: Håvard og Ørjan

Assist: Olav Ø og Daniel

Gule kort: Rolf og Jakob

Videoane er på nett!

Dei siste åra har det vorte produsert eindel filmar til folkefesten om kvelden på 17. mai. Dette har til dels vore kritisert som "ein enkel utveg", så i år kunne konferansierane Gordon Sunde og Kristoffer Østhus fortelja at dei ikkje hadde så mange filmar. Til gjengjeld hadde dei laga lengre filmar, så alt i alt er det nok like mykje film som før...

Filmane kan du sjå ved å klikke HER.

NB! Naturfilmen som vart vist i starten av festen kjem på nett innan eit par dagar.