Rapport frå Fognaløp og -meisterskap

Godt nøgde deltakarar etter premieutdeling for 1.-4. klasse!

I tidvis sterk vind, men opphald, gjekk både Fognaløpet og Fognameisterskapet av stabelen, søndag 3. oktober 2021. Med godt oppmøte og ditto god stemning vart det ein flott dag!

Fognaløpet var også i år delt inn i to ulike distansar (5 og 10 km) og det var både dame- og herreklasse.

På 5 km for damene var det Anne Marthe Sandanger som spurtslo mor Tora Sandanger, på henholdsvis 27.11 og 27.16. Anne Sunde kom på 3. plass med tida 29.17.
I herreklassen var Tom Arne Straumstein suveren med ei vinnertid på 20.57. Også her var det familiært på pallen, med svoger Ruben Fjell på 2. plass med 26.11, og far Arne Straumstein (som i tillegg trilla barnevogn!) på 3. plass med 30.04.

På damene sin 10 kilometer var det kun to deltakarar som stilte til start. Nivået var likevel svært bra, og til slutt var det Marianne Bø Skregelid som trakk det lengste strået framfor Janne Aano Bø. Dei fekk tidene 48.26 og 49.22.
Erlend Grøtta Giske vann herreklassen på 42.18, framfor Håvard Østhus med 44.31 og James Stensnes med 46.44. Den fjerde deltakaren, Audun Giske, hadde mål om å springa på under 50 minutter, og klokka inn på 49.59!

Etter løpet var det tid for Fognameisterskap for borna, der 60-meter, lengdehopp og kast med liten ball sto på programmet. Her var alle vinnarar og fekk medalje for flott innsats, noko som er dokumentert i serien med bilete under:

Vikingbåt frå Fogn (Sørvåg) til Jåttåvågen 2. oktober!

På laurdag 2. oktober kl. 18.00 speler Viking FK sin første heimekamp etter gjenopninga av samfunnet. Klubben kan no ha fleire tilskodarar enn på lenge, og folk på Fogn vil gjerne bidra til fulle tribunar og god stemning! Difor passar det særs godt at Helgøy Skyssbåt har sett opp direkte båt frå Fogn (Sørvåg kai) til stadion i Jåttåvågen kl. 16.45 på laurdag, og retur rett etter kampslutt!

Båtbillettar koster 200 kr for vaksne og 100 kr for born, og kan kjøpast ved å klikka HER. Det er og mogeleg å møta opp på kaien same dag, utan å ha bestilt billett også. Sjekk elles Facebookarrangementet for turen HER.

NB! Billettar til sjølve kampen inngår ikkje i båtbilletten. Kampbillettar kan kjøpast HER.

NB2! Ein ekstra bonus for dei som nytter denne reisemåten, er at dei kan “varma opp” med å sjå Fogn sitt A-lag spele mot Voll 2 klokka 14.45 på Fogn stadion, og framleis rekke Vikingkampen kort tid etter!

Fellesvisning av ny serie

I 2019 hadde serien “The Chosen” premiere. Dette er den første TV-serien om Jesu liv, som går over fleire sesongar. No i oktober vert det framsyning av sesong 1 på Fogn bedehus. Desse framsyningane er berekna for ungdom frå 8. klasse og oppover, men om nokon som ikkje ser på seg sjølv som ungdom vil sjå serien, ligg den gratis tilgjengeleg HER.

Psykisk helse - gratisarrangement i Kulturstova

I fleire år har verdsdagen for psykisk helse blitt markert med arrangement i Kulturstova på Finnøy sentralskule. Dette er eit arrangement som har samla folk frå heile den tidlegare Finnøy kommune, og vi vil difor reklamera for dette, også på Fogn.org. Sjå naudsynt informasjon under:

Fognaløp og -meisterskap søndag 3. oktober

Om nokon har vore i tvil; Det vert Fognaløp og -meisterskap også dette året! Arrangementet vart utsett til oktober, grunna tett program der mellom anna konfirmasjonar vart flytta til september.

Fognaløp - kl. 13.30
Start ved skulen. Ein kan velgje mellom 5- og 10-kilometersløype. Idrettslaget oppfordrar alle (uansett alder) som liker å springe eller gå fort til å bli med. Startavgift for dei over 16 år er 100 kroner. Det vert premiering av til vinnarar i dame- og herreklassen på begge distansar.

Fognameisterskapet - kl. 15.00
Løp, hopp og kast for born i alle aldrar! Premiering til alle!

Velkommen til å både delta, og å vere med og heie!

10. klassingane samlar inn til demensaksjonen

Demensaksjonen har blitt arrangert sidan år 2000, og er Nasjonalforeningen for folkehelsa sin årlige informasjons- og innsamlingskampanje kor dei set fokus på demens og samlar inn pengar til demensforskning og lokale demensaktivitetar.

Årets aksjon vert gjennomført i veke 38, og på Fogn kjem 10. klassingane rundt med bøsser søndag 26. september frå kl. 14.00 og utover. Dei får 15% til klassetur til Evje, resten går til aksjonen.

Det går an å gi med Vipps!