Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Torsdag 27. februar kl. 18.30 inviterer Sølvi og Svein Østhus til kulturkveld heime hos seg sjølv. Haldor og Elen Telle kjem for å fortelje om tragedia som skjedde i Telavåg under 2. verdskrig. Haldor er tidsvitne og er ein av dei få som framleis kan fortelja detaljert om det som fann stad då tyskarane utrydda Telavåg.
Alle som er interesserte i historia er hjarteleg velkomne!
Kva er likheita mellom sykkelrittet Tour de Fogn og bruktmarknaden til Fogn grendalag? Dei fleste som kjem for å sjå på seier at dei vil vere med sjølv neste år:) Det var i alle fall det som var gjennomgangstonen blant dei omlag 50 personane som møtte opp for å sjå kva som var til sals/bytte denne laurdagen, då Fogn grendalag arrangerte brukt- og byttemarknad på Fogn oppvekstsenter. Sjølv om det berre var 4-5 som kom med ting dei ville selgja/gi vekk, var det “god gang” i gymsalen, der folk gjekk og såg på alt det andre ville bli kvitt, og mange ting skifta eigar.
I foajeen vart det servert graut, og mange nytta høve til å ta laurdagsgrauten saman med sambygdingar og andre som hadde møtt opp på bruktmarknaden denne dagen. Det var særleg her ein høyrde snakk om alle som ville vere med til neste år, når dei nå såg korleis dette føregjekk, og at det var lov å vere med anten ein hadde mykje eller lite ein ville kvitte seg med.
Så at det er marknad for ein bruktmarknad, det verkar heilt klart, og vi har difor stor tru på at dette arrangementet har kome for å bli!
Sjølv om det berre var 17 påmeldte då fristen gjekk ut, var etternølarane langt fleire, då Fogn Helselag arrangerte sin årlege tacokveld på Fogn oppvekstsenter, laurdag 8. februar. Heile 100 namn sto til slutt på lista, og damene i helselaget sto på både fredag kveld og heile laurdag for å laga mat og ordna i stand meir enn nok til alle som møtte opp!
Her var det eit større utval enn kva som er vanleg på ein tradisjonell fredagstaco, noko alle såg ut til å setja stor pris på! At det var is med tilbehør til dessert, sette ein ekstra spiss på det heile, og folk såg både mette og godt nøgde ut då dei etterkvart trakk heimover.
Ein stor takk til helselaget for eit både godt og flott måltid!
Gjenbruk er i vinden som aldri før, og det ligg heilt sikkert mykje forskjellig og støvar ned i kjellarar, kott og skap på Fogn, som andre kan ha god bruk for! Difor vil Fogn Grendalag arrangere ein bytte- og bruktmarknad på Fogn laurdag 15. februar. Marknaden vert i gymsalen på Fogn oppvekstsenter frå klokka 12.00-14.00, og det vert høve til å kjøpe graut og saft for 30 kr per person i foajeen.
Prinsippet er at alle som har ting dei ynskjer å bli kvitt, står for salet/byttet av dette sjølv. Varene går altså ikkje via grendalaget, men direkte frå person til person.
På marknaden gjeld desse “reglane”:
Alle som ynskjer å ha eige “salsbord” til det dei vil bli kvitt, gir beskjed om dette til Ivar Opsal (995 67 320) eller Håvard Østhus (934 45 913) innan fredag 14. februar kl. 20.00.
Grendalaget syter for “salsbord” til dei som ber om dette. Ut over dette er det opp til seljar å bestemme både pris på varene, og kva inntektene evt. går til (det er ikkje eit krav om at det må gå til eit godt formål). Det er sjølvsagt også lov å bytte varer med kvarandre, dersom ein vert einige om dette.
Når marknaden er over, har seljar ansvar for dei varene som han/ho hadde med, men som ein ikkje vart kvitt.
Gymsalen er open frå klokka 11.00, med tanke på at seljarar skal få varene sine på plass før marknaden opnar klokka 12.00. Vi ynskjer ikkje sal før klokka 12.00.
Grendalaget vil oppfordra alle til å ta ein kikk i kjellaren, kottet og skapet, og ta med på bytte- og bruktmarknaden på Fogn!
NB! Dersom ein har nokre få ting (t.d. nokre ski/skøyter) som ein vil byta vekk, er det lov å ha dette med utan å måtte ha eige salsbord.
5.-9. februar blir det stor aktivitet på Fogn bedehus, når Fogn Misjonsforsamling inviterer til ulike temakvelder, i tillegg til et avsluttende søndagsmøte. Se plakaten under:
Helselaget gjentek suksessen ifrå i fjor, og inviterer til tacokveld laurdag 8. februar mellom klokka 1800 – 2100 på Fogn Oppvekstsenter. Bufeten er varm til klokka 2000.
Menyen blir omtrent som i fjor, med mange gode smakar og spennande tilbehøyr. Til dessert vert det servert is.
Pris: Born under 10 år, 50 kroner. Elles 150 kroner. Maks 500 NOK for en familie, gjelder heimebuande barn. Påmelding til Oddbjørg seinast 4.februar på telefon: 94 12 92 33. Send gjerne sms.
Hjarteleg velkommen
————————————————————
Onsdag 4.mars klokka 1830 på Fogn Oppvekstsenter.
Dr. Eivind Vestbø skal halda eit interessant foredrag om demens
Enkel servering
Trekning av tre heldige vinnarar frå turbøkene
Utlodding - ta gjerne med ein gevinst
Sakliste
Val av møteleiar, referent og to representantar til å godkjenne og underteikne referatet
Godkjenning av årsmelding og rekneskap
Aldersgrense for deltaking på førjulsfesten for pensjonistane
Innkomne forslag
o Matkurs
Val
o To nye styremedlemmar
Hjarteleg velkommen
Powered by Squarespace
