Musikalsk og vellukka kyrkjebasar!

/
38342048-Unknown.jpg

Mykje folk møtte fram til basaren i kyrkja.  Dei som var der fekk med seg eit variert repetoar frå det nye prosjektkoret «The Basar Choir» Av musikalske uttrykk høyrte me både munnspel, gitar, blokkfløyte, slagverk og flygel. Salen var begeistra og det kan nok hende at fleire har lyst å bli med om det  blir eit Julekor til Me syng jula inn.

Messing er som vanleg solide, det er veldig kjekt at me har ei blåsegruppe på Fogn – dei løftar stemninga i taket.

Me i ansvarskomiteen er stolte og takksame for dei musikalske ressursene me har på Fogn og særskild takk til Hilde og Wictor som drog dette i gang. Takk og til vår lokale lydmann Bjørn.

Øyvind snakka om dugnadsarbeidet som har vore og viste bilete av kva  fjorårets basarpengar er brukt til og kor fint det er blitt med mur og belegningsstein. Me  er svært takksame for den jobben dugnadskomiteen v/ Øyvind,  Arne og Bjørn m/fleire har gjort.

I kyrkjekjellaren etterpå var det mat og kaffi. Loddsalget gjekk unna og me fekk inn drøye 38 000,- Pengane er tenkt brukt til lyssetting på parkeringsplassen og tilkomsten opp til kyrkja. Me vil og kjøpe inn litt utstyr til musikkarbeidet.  

Tusen takk til alle som laga mat, bidrog med gevinstar og til alle som tok lodd!

På vegne av ansvarskomiteen Heidi

Både biletet øvst i saka, og alle bileta i serien under er knipsa av Else Jorunn Løland Vold.

Tid for juleverkstad hjå Thor!

/
Thor.jpeg

Vi er kome forbi midten av november, og då må det vera lov å byrja å tenkja litt på jula som nærmar seg. Framover mot jul vil Thor Jansen halde ope i Taubua for alle som vil laga noko, t.d. brikker, matter eller liknande. Alle som vil kan koma til taubinderiet hans, få hjelp til å laga originale gåver, og så treng dei kun å betale for det tauet dei bruker. Thor har mange idear til ting som kan lagast, og med så mange års erfaring har han også ein heil del å læra vekk. 

Det er ein fordel om folk som vil nytte seg av juleverkstaden ringer Thor på førehand, for å avtala tidspunkt. Hans telefonnummer er 92 41 98 70.

Så kan vi kanskje håpe at nokon tek bilete av dei ferdige resultata og sender til Fogn.org? Vi treng sjølvsagt ikkje avsløre kven som har laga, eller kven som skal få gåva...

Kyrkjebasar til helga, og sjå resultatet frå i fjor!

/

Det blir i år igjen basar i Fogn Kyrkje.
Det skjer Lørdag 16 nov kl 18.30
Programmet er slik:
-Musikk ved messing
-Tale for kvelden av Esther Moe
-Ei musikalsk overrasking med lokale krefter
-Servering av boller, kaker og pølser
-Basar med flotte gevinstar og egen loddbok med gevinstar for ungane

Pengane som kjem inn går til uteområdet, lyssetting på parkeringsplassen/tilkomsten til kyrkja.
Pengene som kom inn på basaren ifjor er brukt til og sette opp mur og legge stein ved ingang til kjellar og bårerom.

Me håpar på like god stemning som ifjor, og at det kjem masse folk.
Dette blir ein kjekke kveld

(Har du lyst og gi ein gevinst, så er me og takknemlige for det)

Spørsmål eller treng du skyss:
Ta kontakt med Øyvind (92090918)
eller Heidi (470 10 909)

Bilder under viser resultatet av basaren frå ifjor
John Sverre, Jonas og Øyvind har vore på plass med maskinar og vore med på klargjering og tilrettelegging.
Arne T har frå start til slutt lagt ned ein stor innsats på klargjering og legging av stein. Bjørn E har og vore mykje med på det.