March 12, 2019

Informasjon om årsmøte i Fogn Grendalag

March 12, 2019/ Håvard Østhus

Onsdag 27. mars klokka 18.30 er det tid for årsmøte i Fogn Grendalag. Både ordførar Henrik Halleland og rådmann Karin Dokken Austvik kjem for å snakka om, og svara på spørsmål om Øyfast og samferdsel.

Rapporten der Øyfast vart utreda kom i januar, og viser igjen at dette er mogleg - det me no treng er engasjement og entusiasme! Rapporten kan de lese ved å klikke HER.

Vi kjem også til å snakke om kommuneplan for Nye Stavanger kommune, ein plan som skal gjelda frå 2019-2034. Planen, som er kort og oversiktleg, er no på høyring, og kan lesast ved å klikke HER.

Elles kan de sjå resten av innkallinga og saklista til årsmøtet ved å klikke HER.

March 06, 2019

Klart for årsfest i Fogn Idrettslag

March 06, 2019/ Kristian Iversen

Fredag 15. mars klokka 18.00 vert det årsfest med årsmøte i Fogn IL. Samlinga vert i foajeen på Fogn oppvekstsenter. På programmet står:

•Pizza og is
•Utlodning. Vi er takknemlege for gevinstar:)
•Vanlege årsmøtesaker
•Ny klubbkolleksjon
•Diverse anna program

Fogn IL

March 05, 2019

Ny høyring på enkelte vegnamn

March 05, 2019/ Håvard Østhus

Etter folkemøtet om vegnamn på Fogn tidlegare i vår, sendte Fogn grendalag inn eit høyringssvar. Dette, og andre høyringssvar, har bidratt til at formannskapet i Finnøy Kommune, har kome med eit nytt forslag til nye vegnamn , mellom anna på Fogn. Dei namna som ikkje var omdiskuterte, er no blitt vedtekne, det er altså berre vegar der det har vore endringar som no er ute på høyring.

Grendalaget har sendt inn sine synspunkter etter førre folkemøte, og kjem ikkje til å sende inn høyringssvar i denne andre runden. Vi vil likevel oppfordre folk til å sende inn eigne svar, dersom det er ting de reagerer på i forslaget. Både sjølve forslaget, og informasjon om korleis ein sender inn høyringssvar, finn de ved å klikka HER.

March 05, 2019

Klart for Ørnakulå opp!

March 05, 2019/ Kristian Iversen

Idrettslaget skal i april, arrangere motbakkeløp på Fogn:

Ørnakulå opp – Lågterskel motbakkeløp på Fogn

Endelig motbakkeløp på Fogn! No har du moglegheit til å setje verdsrekord! Velkommen til motbakkeløp på Fogn 14. april 2019 kl 17.00.

Løypeskildring:

Start Sæbøvåg. Følg vegen opp bakken, og ta første til venstre i Sæbøkrossen, mot Runastad.

Ein tek så av hovudvegen etter ca 370 meter, og følger ein godt merka tursti opp til toppen av Fogn, Ørnakulå. Løpet har ein stigning på kring 160 meter, og total distanse er på rett i overkant av 2 km.

Etter planen vert det fellesstart, alle klassar spring samstundes. Det vert kvinne- herre, ungdoms- ( 14 – 17 år ) og veteranklasse ( over 60 ). Premiering til den beste i kvar klasse.

Nb, ved stor pågang, kan det bli eigen start per klasse/ intervallstart, pga smal løypetrasé.

Det er sjølvsagt lov å berre gå turen også, men frå klokka 17.00 og ei stund utover ber me turgåarar halde seg ut av stien av omsyn til konkurransen. Heiing er veldig lov!

PÅMELDING FRÅ KL 16.30 OG FRAM TIL START PÅ LØPSDAGEN. GRATIS.

FOR MEIR INFO, RING SONDRE PÅ 98 05 36 17.