Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Det er ei innhaldsrik helg i vente, arrangementa kjem på rekke og rad.
Fredag
18:00: Guttelagsbasar på bedehuset. Det blir andakt av Hilde Malde. Servering av kaffi, saft, og boller. Deretter loddsal og utlodning.
Laurdag
11:00: Salsmesse på Erås museum. Det blir salg av ulike produkt, lapskaus og kaffi m.m.
19:30: Møte på bedehuset ved Olof Edsinger.
Tidlegare bibelskulerektor og landstyreformann i Normisjon, Kurt Hjemdal, kjem til Fogn bedehus i helga, for å ha bibelundervisning. Sjå plakaten under.
Rådmannen i Finnøy fortel i dagens utgåve av Øyposten, at det er klart for å signera avtale med Lyse om fiberutbygging på Fogn. På øyane lenger nord i kommunen er det Telenor som har vunne anbudet, og skal leggja til rette for fiber.
Leiar i grendalaget, Kristoffer Østhus, uttalar til avisa at det er fantastisk at eit lite samfunn som vårt no får fiber, og han meiner at dette er grunn god nok til å heisa flagget!
Så er det ikkje slik at fiberen kjem heilt av seg sjølv, trass i at avtalen med Lyse nå vert signert. Det krev lokal innsats å få grava grøft frå hovudtraseen og inn til kvar hustand, og det gjenstår også salsmøte både på Fogn og for hyttefolk som bur i Stavanger-regionen. Datoar for møta er ikkje sett enno, men det ser ut til å kunna bli i januar, fortel Lysedirektør Ane Marte Økland Hausken til Øyposten.
Prosjektet har leveringsfrist 15. mai 2018, og oppstart av gravinga av hovudtraseen er tenkt alt i desember.
Velkommen til Tomasmesse i Fogn kyrkje onsdag 15. november klokka 19.00
Namnet Tomasmesse kjem frå læresveinen Tomas som fekk tilnamnet "Tvilaren"
Tomasmesse ideen oppstod i den lutherske kyrkja i Finland på 1890-tallet og har spreidd seg til mange land.
Denne gudstenesten har ein enkel liturgi, gir rom for ettertanke, ein stad der tru og tvil kan møtast, ei vandring i truas og tvilens landskap.
Ei slik gudsteneste kan vera ei god hjelp til å stoppe opp og tenkje over sitt eige liv, forholdet til seg sjølv og andre og til Gud.
Sentralt i gudstenesten er bønnevandringa, der du kan vitje ulike stasjonar i kyrkjerommet, du kan tenne lys, ta imot velsigninga osb. Eller du kan sitje i kyrkjebenken i stille ettertanke og høyre fin musikk.
Preika vert erstatta med eit vitnesbyrd eller ein refleksjon. Gudstenesten vert avslutta med fellesskap rundt nattverdbordet.
Velkommen
Måndag 6. november klokka 20.00 inviterer Fogn Helselag til eit miniseminar av Finnøybuen Oddvar Vignes. Seminaret har fått tittelen "Ut å måka skit", og her går det både i alvor og skjemt!
Seminaret, som vert gjennomført i foajeen på Fogn oppvekstsenter, er ope for alle, og det kostar 50 kroner i inngangsbillett. For denne prisen får ein, i tillegg til seminaret, både kaffi, kaker og moglegheit til å vinna noko ettersom det er ein liten trekning på billetten.
Alle er hjarteleg velkomne!
Onsdag 1. november var det duka for årets solidaritetsaksjon på Fogn oppvekstsenter. I år skulle det samlast inn pengar til mange skuleborn i Peru, som ikkje får undervisning og lærebøker på eit språk dei forstår, fordi dei er Quechuaindianarar som ikkje snakkar spansk.
Borna på Fogn hadde gleda seg lenge til denne dagen! Aktivitetar og salsboder var nøye gjennomtenkte og det låg mykje flid i opplevingane folk kunne betala for å få med seg, mellom anna spåteltet og spøkelseshuset. Etter at aksjonen vart lagt til ettermiddagstid, for nokre år sidan, har det også vorte slik at mange vel å ta middagen på oppvekstsenteret denne dagen, noko som vart merka med stor pågang i matsalet, særleg rett etter at aksjonen starta klokka 16.15.
Det var mange som møtte opp for å få med seg det som skjedde, og stemningen var god gjennom heile aksjonen, som vara i omlag 2 timar. Brukthandelen var godt besøkt, og særleg dei gamle plansjane som vart nytta i undervisningen "før i tida" var populære. At det i tillegg gjekk an å betala med Vipps i år, bidrog nok til ny innsamlingsrekord! Jubelen sto nemleg i taket då elevrådsrepresentantane Emma Grønås og Eirik Bø Rolfsen, i samarbeid med rektor, var ferdige med å tella opp pengane, og endte på imponerande 21 260 kroner!
Fogn oppvekstsenter retter ein stor takk til alle som bidrog på ulike vis, med kaker, gevinstar, praktisk hjelp og ikkje minst gjennom at de kom på aksjonen og støtta det viktige arbeidet i Peru!
Powered by Squarespace
