Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Lynutlodning med kakegevinstar ved butikken
Fredag 11. aug. frå kl. 15.00 og laurdag 12. aug. frå kl. 10.00 blir det kakeutlodning til inntekt for Fogn eldresenter ved butikken. Velkommen til loddkjøp og drøs og forhåpentlegvis ei kake til å ta med deg heim..
- Fogn Eldresenter (Reidun Østhus)
Søndag 13. august ynskjer Fogn IL velkommen til den 29. Fognamarsjen.
Start frå Fogn Oppvekstsenter, mellom kl. 15.00-17.00. Marsjen går rundt øya, om lag 10 km.
Startkontingent: 100 kr pr deltaker. Max 300 kr pr familie.
Det vert høve til kjøp av brus/sjokolade ved Selvåg.
Ved å klikke her kan du sjå oppdatert deltakerliste. Premiering kvar 5. gong ein fullfører marsjen.
Premiering:
1. gong: Bronse-medalje
5. gong: Sølv-medalje
10. gong: Gull-medalje
15. gong: Elite-staup
20. gong: Enda eit staup
25. gong: Kakespade
Fogn IL ynskjer alle velkommen!
Grendalaget er glade for å kunne melde om at Kristian Sandanger Iversen no er ny redaktør på Fogn.org! Kristian har, trass sin unge alder, lang erfaring frå si eiga nettside Opsalnyhende og han er ein ivrig brukar av både foto- og videokamera. Han er no klar for å laga mange gode reportasjar og artiklar på Fogn.org, og set pris på tips og innspel anten på mobil 45 11 54 33, mail kristian.sandanger.iversen(a)gmail.com eller via kontaktskjemaet på Fogn.org. Kristian har også tilgang til kalenderen på Fogn.org, og kan kontaktast dersom det er noko som skal inn der.
Den gamle redaktøren, Håvard Østhus, går no inn i ei meir rådgjevande rolle.
Erås Museum har i det siste vore ope på laurdagar frå klokka 13.00 til 15.00, i anledning utstillinga til Kåre Holm: "Ein bit av Fogn". Fleire har vore og sett på utstillinga, men du har framleis høve til å få den med deg, om du ikkje har kome så langt enno. Museet er nemleg ope både laurdag 5. august og laurdag 12. august frå klokka 13.00-15.00.
Alle er hjarteleg velkomne!
Ordførar Henrik Halleland har bestemt seg for å besøke dei ulike øyene i kommunen i sommar, rett og slett for å slå av ein prat med dei som ynskjer å snakke med han. Har du ei sak du ynskjer å lufte for ordføraren, eller vil du berre nytte høvet til å veksle nokre ord med den øvste leiaren i kommunen, så kan du gjere det på Joker Fogn, fredag 14. juli, frå klokka 13.00.
Velkommen!
Måndag 10. juli kom "sirkuset" Tour of Norway for kids til Fogn, og for ein folkefest det vart! Over 500 personar møtte opp, der nesten halvparten var deltakarar i alderen 0 til 13 år. Folk kom frå heile Finnøy kommune og frå Strandalandet, i tillegg til at mange ferierande tok turen, og både store og små såg ut til å kosa seg masse på Fogn denne dagen!
Joker Fogn og Fogn IL hadde laga til ei spanande løype på Runestad, der deltakarane fekk prøve seg på ulike underlag som asfalt, grus og gras undervegs i rittet. Først ut var dei aller minste, og her var det mang ei mor, ein far eller ein besteforelder som måtte slite med å halde følge med fartsglade småbarn, særleg inn på det raske oppløpet! Deretter kom dei eldre barneklassane, gjerne med eit enno større konkurranseinstinkt... Men likevel var det så godt som berre smil, latter og glede å sjå i ansiktet til syklistane som trilla i mål i sine nye, raude t-skjorter, og mottok ein sekk med solbriller, refleks og drikkeflaske til premie.
Når alle var komne vel i mål var det tid for den endelege premieseremonien. Her skulle det, i ekte Tour de France-stil, delast ut fem farga trøyer til dei heldige innehavarane av fem tilfeldig valgte startnummer. I tillegg vart det lodda ut ein sykkel heilt til slutt, og denne var det Una Mjølsnes som var så heldig å vinne!
På førehand var det knytta stor spenning til vèret, som lenge såg ut til å kunne bli plaskande vått, dersom ein skulle tru dei ulike vèrmeldingane på internett. Heldigvis kan vi ikkje alltid stole på desse, for det vart opphald, vindstille og etterkvart ein høgst akseptabel temperatur, som skapte ei flott ramme rundt ein sjeldan stor folkefest på Fogn! Det var som nemnt god stemning blant syklistane, og kiosken til Fogn IL, der ein fekk kjøpt både is, kaffi, brus, pølser og tomatsuppe, var med og bidrog sterkt til at stemningen var minst like god blant alle dei som var møtt opp for å heie fram dei unge og håpefulle!
Klikk HER for å lese Tour of Norway for kids ein eigen reportasje frå rittet, og sjå fleire bilete i serien under:
Powered by Squarespace
