Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Søndag 7. mai var det konfirmasjonsgudsteneste i Fogn kyrkje. Ramma rundt festdagen var flott med både sol og ein temperatur som må vera bortimot optimal for dei som har investert i bunad! Dei fire konfirmantane var Ellen Hole Runestad, Silje Nordvik Akselberg, Ida Selvåg Sunde og Jørgen Bø.
Det var "offisiell" fotografering av konfirmantane like før gudstenesten byrja, og under er eit par andre bilete av konfirmantane.
Som vi tidlegare har informert om, så kjem sykkelrittet Tour of Norway for kids til Fogn måndag 10. juli. I Rogaland er det Stavanger, Sauda, Egersund, Bryne og Fogn som er så heldige å få besøk av dette "sirkuset", så Fogn er så absolutt i godt selskap!
Ivar Opsal, som er rittansvarleg på Fogn, melder frå om at det no er mogleg å melda seg på sykkelrittet. Det kan du gjere ved å klikka HER.
Elles kan det nemnast at rundløypa som skal nyttast på Fogn, vert lagt til Runestad, der det er både idylliske forhold rundt løypa, og gode moglegheiter til parkering. Meir informasjon kjem etterkvart.
Fotballbanen, som vert klippa av to robotar, ser nok finare ut enn kva den eigentleg er for tida.
Fredag 28. april startar Fogn IL sitt A-lag i fotball serien med heimekamp mot Kvitsøy. A-laget har fått gjennomført fleire nysigneringar i vinter, og det er både gamle og nye a-lagsfjes som no står registrert som spelarar i klubben. Andreas Svela gjer comeback etter fleire år i Buøy, medan Ørjan Bø Måkestad har fått nok av storbyfotballen, og vender heim til Fogn IL igjen. I tillegg er dei fire unge Fognbuane Karl Magne Frafjord, Tom Arne Straumstein, Tor Olav Bø Måkestad og Jørgen Bø registrert som A-lagsspelarar, og det vil heilt sikkert vere fleire av desse som får sin debut når serien no vert sparka i gong!
Fogn er i år i ei pulje med 10 lag, noko som betyr heile 9 heimekampar, mot berre 6 slike i fjor. Ambisjonane til laget er også i år å hamne på øvre halvdel av tabellen. Då bør gjerne Kvitsøy slås, for dei hamna bak Fogn på tabellen i fjor. Det var faktisk den same kampen som rulla i gong fjorårssesongen, og då vart sluttresultatet 2-2. Så får vi sjå korleis det går på fredag, i kampen som vert sparka i gong ca. klokka 18.45!
Sundagsskulen på Fogn er med og arrangerer ein felles sundagsskulefest for heile kommunen, no på sundag, 30. april. Informasjon om festen er å lesa på plakaten under.
For ein drøy månad sidan vart det sett opp to bordtennisbord utanfor Fogn oppvekstsenter. Desse er kjøpt inn gjennom eit samarbeid mellom Fogn IL og oppvekstsenteret. Borda vert flittig brukt i så godt som alle friminutt på skulen, men dei kan nyttast av alle som ynskjer det, også på fritida.
Folk kan ha med eigne racketar og ballar om dei ynskjer det, eller så kan dei låna dette frå ein kasse som heng på veggen til oppvekstsenteret (sjå biletet).
Som mykje anna på Fogn er denne ordninga basert på tillit, og det er viktig at utstyret vert lagt tilbake på plass etter at det har vore i bruk:)
Velkommen, både til å spela bordtennis, og elles nytta det flotte uteområdet ved Fogn oppvekstsenter!
Håvard Østhus
- rektor Fogn oppvekstsenter
Fredag 7. april klokka 18.30 - Jentelagsbasar på bedehuset
Norene Frafjord fortel frå Bibelen. Det blir boller, saft og kaffi, i tillegg til mange flotte gevinstar!
Arr: Jentelaget Vårvon, NLM
Søndag 9. april klokka 12.00-13.00 - Påskevandring på Finnøy
Søndagsskulen på Fogn anbefaler store og små å reise på påskevandring til Nordre Vignes på Finnøy. Start mellom klokka 12.00 og 13.00. Ferje frå Fogn går klokka 11.40.
Arr: Søndagsskulen på Finnøy
Onsdag 12. april frå klokka 18.00 - Loddsal på dørene
Representantar frå Fogn idrettslag kjem på dørene i både hus og hytter for å driva loddsal til basaren som dei skal ha på laurdag.
Torsdag 13. april klokka 11.00 - Nattverdmøte på bedehuset
Nattverdmøte med innleiing, song, vitnesbyrd og nattverd.
Torsdag 13. april klokka 14.00 - Eggkoking i Domfjelldalen
Fogn Helselag, Speidaren og Fogn IL arrangerer eggkoking i domfjelldalen. Parkering ved Erås museum, eller gå frå der du vil, så møtest vi ved bekken. Ta med eigen mat. Det blir quiz og frukt.
Fredag 14. april klokka 10.30 - Gudsteneste i kyrkja
Terje Engstrøm er prest under pasjonsgudstenesten i kyrkja på Langfredag.
Laurdag 15. april klokka 09.00-15.00 - Påskebasar ved butikken
Loddsalet startar alt klokka 09.00, og det er i tillegg servering av lappar, kake, saft og kaffi fram mot trekninga, som er klokka 14.00.
Arr: Fogn IL
Søndag 16. april klokka 11.00 - Høgtidsmøte på bedehuset
Stein Sandvik kjem og talar på møtet. Kollekt til NLM.
Søndag 16. april klokka 18.30 - Høgtidsgudsteneste i kyrkja
Anders Kvalevåg er prest på høgtidsgudstenesten. Song av TøfF OG Nådig. Nattverd. Takkoffer til misjonsprosjektet.
Powered by Squarespace
