Mykje kjekt på butikken framover!

/

Julevarene er komt på plass i butikken, og julestemninga begynner og komme!

Mange har nok og fått med seg at det har skjedd litt ting utanfor butikken. Det er blitt støypt dekke, og kommet to nye sofagrupper. I løpet av veka blir alt dette kledd med glass dører/vegger og blir ein flott ny møteplass!

Framover skal det skje veldigt mykje kjekt, så det er viktigt å sette av følgende dagar. 

Søndag 27 november blir butikken åpen ifrå kl 16-00 til 18.00

 Kl 16.30 blir det "avduking" av bilder inne i butikken. På desse bildene er detfleire lokale produsentar. 

 Kl 17.00 blir det åpning av den nye møteplassen, og tenning av julegrana. 

 Det blir gratis kaffi, gløgg, klementiner, julekaker osv.

Lørdag 17 Desember blir det julegrøt inne i lagerbygget, dette blir samarbeid med Øyposten som blir med oss. 

Meir info om denne dagen vil komme når det nærmar seg.

 Det blir og salg av juletre (edelgran) denne dagen. Me kan ta imot bestilling på tre allerede nå. Alle som bestiller tre og som kjøper den 17 des får det gratis heimkjørt.

Nytt dette året er at det blir salg av fyrverkeri sjå oss på butikken. 

Dette vil skje 30. og 31. des i butikken si åpningstid. Info og tilbudsavis om dette kjem i postkassane når det nærmar seg.

Velkommen til kjekke dagar, og ein trivelig handel på butikken

Tekst/Foto: Øyvind Sandanger

Elevbedrift sel mat på Fogn i veke 47!

/

I veke 47 skal elevane på biletet, i tillegg til to elevar frå Talgje, ha sal av mat frå eiga kantine på Fogn oppvekstsenter. Elevane går til dagleg i 9. klasse på Finnøy sentralskule, men i veke 47 skal dei altså byte blyant og skrivebøker med sleiv og bakebolle! Elevbedrifta, som har fått namnet "Jørgen og damene", har dette tilbodet til elevar og tilsette ved Fogn oppvekstsenter i matfriminuttet neste veke:

Måndag 21. november

Skulebolle: 20 kr. 
Kakao med krem: 10 kr.

Tysdag 22. november

Fruktsalat med vaniljesaus: 20 kr.

Onsdag 23. november

Pizzabolle: 20 kr.
1 glas saft er gratis ved kjøp av pizzabolle. Berre saft kostar 5 kr.

Torsdag 24. november

Skulebolle: 20 kr. 
Kakao med krem: 10 kr.

Fredag 25. november

Pizzabolle: 20 kr.
1 glas saft er gratis ved kjøp av pizzabolle. Berre saft kostar 5 kr.

"Jørgen og damene" tek imot bestilling på pizzabollar frå alle som ynskjer det. Det kostar 150 kroner for ein pose med 10 pizzabollar. Bestillinga må skje før klokka 14.00 dagen før du vil ha varene, og så kan dei hentast på oppvekstsenteret mellom klokka 12.00-14.30. Dersom du ynskjer å få levert pizzabollene på døra mellom klokka 12.00 - 16.30, så kostar dette 50 kroner ekstra per bestilling. 

Bestilling skjer til marknadssjef Ida på telefon 916 57 391.

Vi ynskjer bedrifta lukke til!

Fleire Dorperar på veg!

/

Tysdag 8. november og onsdag 9. november vart det til saman lagt inn 200 embryo av saureasen Dorper på garden til John Runestad. 130 av desse var vanlig Dorper (svart hovud), medan dei siste 70 var kvit Dorper. Embryoa vart lagt inn i sauene til John Runestad og Rune Opsal.
 
Dette er ei fortsetting av avlsarbeidet frå i fjor med nye gener frå Australia slik at vidare avl på eigne dyr kan fortsette neste år.
Innlegget av embryo vart gjort av veterinær frå Australia (Michylla Seal) med assistent. Dyra var klargjort for embryooverføring av Dag Aasland.
Fleire personer var innom fjoset og observerte innlegget av embryo, blant desse var dei to nyinnflytta fognabuane og dyrlegane Marita Sandanger og Sondre Sørheim som fekk tips og informasjon frå den australske dyrlegen.

Nå er det berre å  vente i spenning til våren og lemminga for å se kor mange lam som blir født!

Tekst og bilete: Ivar Opsal

Kurt Hjemdal taler på Fogn i helga

/

Det har nærmast vorte ein tradisjon at Kurt Hjemdal kjem til Fogn ei helg i året for å ha møter på bedehus og i kyrkja. I år kjem Kurt helga 11.-13. november, og han skal tale over ulike emne frå Johannesevangeliet, med overskrifta "Å se Guds herlighet". Møteplanen for helga ser slik ut:

Fredag kl. 19.30 på bedehuset - "Kom og se"

Laurdag kl. 18.00 på bedehuset - "Veien til frelse"

Det vert servert kaffi og kaffimat mellom møta på laurdagen

Laurdag kl. 19.30 på bedehuset - "Brødet fra himmelen"

Søndag kl. 11.00 i kyrkja - Gudsteneste med fokus på dagens tekst frå Lukas 13, 10-17.

Alle er hjarteleg velkomne!

Arr: Normisjon v/ Joar Sandanger

Mange fann "gull" på solidaritetsaksjonen!

/

Det var nok ikkje alle som studerte "loppene" så grundig som Dag Olav Sæbøvåg (biletet), men likevel var det mange som fann noko dei ville ha både på loppemarknaden, og elles på dei ulike stasjonane under årets solidaritetsaksjon på Fogn oppvekstsenter!

I år samla elevane inn pengar til born i Laos, slik at desse skal få kunne gå på skule, akkurat slik som borna i Noreg får lov til. Og det sto ikkje på kreativiteten til elevane når det gjaldt måtar å samla inn pengar på! Nytt av året var både spøkelseshus og "bottleflip", i tillegg til at dei hadde leita fram lykkehjulet som vanlegvis berre vert brukt på 17. mai. I tillegg var det "gamle slagarar" som "Hud og hår", loppemarknad, sal av ymse ting, loddsal og sal av mat, kaker og kaffi. Barnehagen var òg på butikken tidlegare torsdag, og solgte lappar i anledning aksjonen. Til saman kom det inn 20 166 kroner til borna i Laos, ny innsamlingsrekord for aksjonen, og første gong over 20 000 kroner!

Stemningen var særs god i både førebuingar og under sjølve aksjonen, noko som best kan beskrivast gjennom bileta i serien under: