Ny sauerase på Fogn?

Fogn er store på sau med sine ca 1000 voksne sauer og slakt av ca 1500 lam i året. I hovedsak er det blandingsrasen Norsk kvit sau som er å finne på gardane, men på laurdag vart eit nytt spanande prosjekt sett i verk.  Då blei det nemlig lagt inn 35 embryo (embryo er ei befruka eggcelle) av Dorpesau i 19 av sauene til John Runestad. Målet er at ca 50% av desse skal resultera i reinrasa Dorpersau.

Dorper er ein sauerase frå Australia. Den skal gi enklare lemming, fett som er perforert inn i kjøttet som gir ekstra smakfult kjøtt og i tillegg treng ikkje sauen å klyppast. 
Embryoen vart teken ut av sauer i Australia som var sju dager «på veg». For å bevare embryoen vart den fryst ned på ein nitrogentank og frakta til Noreg. For at sauen skal kunne motta og ikkje frastøyte embryoen er den blitt behandla med medisinske preparat slik at den var sju dager på veg. Embryoen vart operert inn i sauene til John av ein australsk dyrlege som reiser rundt i heile verda og gjer dette. Ho skulle tll tre andre i Noreg (ingen andre i Rogaland), og desse er dei einaste i landet med denne rasa. Neste veke skulle ho til Argentina. Dorper er en sterkt fremvoksende rase i verden, og er karakteristisk med sitt svarte hovud og kvite kropp.

Så no er det nok mange som er ekstra spente på lemminga til våren!

Tekst og det siste biletet i denne saka: Ivar Opsal
 

"Pizzasnurrekspressen" kjem i veke 47!

Det er ikkje kvar dag ein kan handle varm mat på Fogn, men frå tysdag 17. til fredag 20. november kan ein bestilla pizzasnurrar frå elevbedrifta som held til på oppvekstsenteret denne veka. Elevane, som går i 9. klasse, er til dagleg stasjonert på Sentralskulen på Finnøy, men denne veka er dei altså tilsette i eiga bedrift! Fogn.org har tatt ein liten prat med gjengen.

Vi møter elevane i foajeen på oppvekstsenteret, torsdag 12. november. Tidlegare på dagen har dei fått vite at dei har fått jobbane dei søkte på, i bedrifta som skal ha kantine nettopp her. Bedrifta har ikkje fått noko namn enno, men på spørsmål om dette kjem det kjapt frå marknadsansvarleg Karl Magne Frafjord: "Vi kan jo heitte: "Fogn - vi sel ikkje rogn", for rogn skal vi i alle fall ikkje selje..." Dette namnet fekk nok ikkje tilslutning i heile gruppa, så vi kan berre kalle dei "Pizzasnurrekspressen" inntil vidare, for det er nettopp pizzasnurrar dei skal slå seg opp på!

"Vi kjem til å ha ein variert meny for elevar og tilsette ved oppvekstsenteret. Dei kan handle hjå oss frå måndag til fredag (sjå menyen HER). Men for dei som vil bestille frå oss, så vil det gå i pizzasnurrar", fortel økonomiansvarleg Rebecka Bø Rolfsen. Ho kan vidare fortelja at ein kan bestille pizzasnurrar i posar a´10 stk til 150 kroner per pose. Bestillinga må skje innan klokka 14.00 dagen før, og så kan den hentast på oppvekstsenteret mellom klokka 12.00 - 14.30. Det er Karl Magne som tek imot bestillingar via telefon/sms på nr. 98 42 05 14. 

"Du må få med at vi kan levere varene på døra også, vi har jo syklar", seier Tom Arne Straumstein, før gruppa byrjar å diskutere kor mykje ein kan ta for sjølve leveringa, og hamnar til slutt på 50 kroner. Det vil altså seie at ein kan få 10 pizzasnurrar levert på døra for 200 kroner, noko som må kunne seiast å vera ein god deal! Levering på døra kan skje mellom klokka 12.00 og 16.30. 

Bedrifta består av elevane Rebecka Bø Rolfsen, Ingrid Marie Bøe, Marie Sofie Østhus, Karl Magne Frafjord, Tor Olav Bø Måkestad, Tom Arne Straumstein og Robin Torgersen.

Vi ynskjer dei lukke til, og håper at folk sluttar opp om det gode initiativet!

God stemning og ny rekord!

På onsdag 4. november var det igjen tid for oppvekstsenteret sin årlege solidaritetsaksjon. I år skulle pengane som kom inn gå til eit prosjekt i Bangladesh, som handla om at også borna der skal få nødvendig skulegong. Og om det var dette nye prosjektet, eller om det var det faktum at solidaritetsaksjonen i år var lagt til ettermiddagstid som gjorde det, er uvisst, men det kom i alle fall inn så mykje pengar at det vart ny innsamlingsrekord! Heile 19 251 kroner vart sendt avgarde til Bangladesh. 

Pengane vart samla inn på ulikt vis. Barnehagen "tjuvstarta" aksjonen med å selje lappar på butikken tidleg på dagen, medan ein kunne kjøpe middag, kake, kaffi og popcorn under aksjonen, som starta klokka 17.00. I tillegg var det ulike aktivitetar på "torget" i gymsalen, det var brukthandel og det var sal av lodd med trekning mot slutten av aksjontida, altså like før klokka 19.00. 

Stemningen var god heile dagen, og oppryddinga gjekk i ein fei, så ein må kunne seie at det virka vellukka å ha aksjonen på ettermiddagstid, og ikkje på dagtid slik det har vore før. Under ser de nokre bilete, både frå førebuingar og sjølve gjennomføringa av solidaritetsaksjonen 2015!

Halvard sin film vann kåringa!

Som vi skreiv om for eit par veker sidan, var Halvard Bøe sitt videobidrag med i kåringa om årets landbruksfilm på traktor.no. Han konkurrerte med 40 andre om den gjeve tittelen, så det var ikkje på nokon måte sikkert at han kom til å vinna konkurransen. Før helga kunne traktor.no presentere sju finalistar, og Halvard var framleis med i kampen. No i kveld kom offentleggjeringa; Halvard Bøe frå Fogn har laga årets landbruksvideo 2015! Dette kan du lese meir om i traktor.no si eiga sak, der den unge filmskaparen mottek ros frå profesjonelle aktørar og sjølv kjem med nokre kommentarar til bidraget sitt. Saka finn du ved å klikke HER.

Fogn.org vil sjølvsagt gratulera Halvard, og sendte ei gratulasjonsmelding med spørsmål om ein kommentar. Halvard takka for dette, og svara at det er viktig å få Fogn på kartet! Det har han sanneleg gjort med den flotte videoen under! Gratulerer Halvard!

Klart for "Handle-lokalt-dagen"

På laurdag 31. oktober er det "Handle-lokalt-dagen" over heile landet. Dette er for å markere at nærbutikken er viktig for eit levande lokalsamfunn, og kundane er viktige for nærbutikken.

På Joker Fogn vil denne dagen verta markert frå klokka 11.00-15.00. Karianne skal steike lappar medan Kristoffer og Øyvind vil dele ut marsipankake, lappar og kaffi. Birgitte og Ivar styrer butikken og har mange gode tilbod! Me i Fogn handel er sikre på at det vert god stemning både ute og inne!

På biletet til denne saka er oppskrifta på ei levande bygd. Me har i tillegg ført opp skule og barnehage som me og meiner er veldig viktig for den flotte øya vår!

Håper me ser deg på laurdag, velkomen!

Tekst: Øyvind Sandanger

Velkomen til arrangement på oppvekstsenteret!

I løpet av den neste veka er det to opne arrangement på ettermiddagstid på Fogn oppvekstsenter. Her får de vita litt meir om det som skjer!

Kunstutstilling, fredag 30. oktober kl. 14.00-17.00.
Denne hausten har barnehagen jobba mykje med uteforming, eller "landart" som det kanskje er best kjent som. Dei har rett og slett brukt naturmaterialer ute i naturen, og laga flotte motiver som dei har knipsa bilete av. Desse bileta vert stilt ut i gymsalen frå klokka 14.00-17.00 på fredag. Vi ynskjer at alle som skal kome på besøk skal nytta inngangen ved barnehagen. Det vert servering av kjeks og brus, og alle er altså hjarteleg velkomne til å få sjå bileta, og nokre andre overraskingar som barnehagen har på lur...

U-landsaksjon, onsdag 4. november kl. 17.00-19.00
Den årlege U-landsaksjonen er flytta til ettermiddagstid, slik at flest mogleg kan få den med seg. Her samlar vi inn pengar til "Hei Verden" sitt prosjekt i Bangladesh. Pengane vert samla inn på ulikt vis. I foajeen har vi sal av middag, kaker, saft og kaffi. På torget i gymsalen kan du få "friska deg opp" på stasjonen "Hud og Hår", du kan prøve deg på bowling og blikkbokskasting, eller du kan få laga ditt heilt eige fotballkort! I tillegg vert det sal av ting som elevane har laga, effekter frå "Hei Verden" og vi har ein eigen brukthandel der du kan gjere nokre skikkelege røvarkjøp! Mot slutten av aksjonen vert det trekning på lotteriet der vi har mange fine gevinstar. Du kan kjøpe lodd under heile aksjonen.

Alle er hjarteleg velkomne til begge desse arrangementa!