Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Torsdag 10. september klokka 18.30 inviterer Fogn Grendalag til politisk debatt på Fogn Oppvekstsenter. Hovedfokuset denne kvelden er "Korleis kan Fogn nå visjonen 400+?" og det kjem ordførarkandidatar/listetoppar/profilerte politikarar frå alle seks partia som har lister i Finnøy.
Sjølv om hovedfokuset ligg på Grendalaget sin visjon om 400+, så er det sjølvsagt lov å ta opp tema som ikkje handlar om denne visjonen også!
Velkommen til politisk debatt!
Ein glad gjeng på felles jente- og guttelag, 12. januar 2015.
Vi er godt inne i september månad, og dei aller fleste av dei "faste" aktivitetane på Fogn har, eller er i ferd med, å starta opp att etter sommaren. Her er det mykje å vera med på, anten ein er ung eller gammal!
På måndagane er det treff på Eldresenteret for dei over 60 år, frå klokka 10.00-14.00. Det er ulikt program kvar gong, men felles for alle samlingane er at det er middag!
Annakvar måndag øver barnekoret "TøfFOGNådig" i kyrkja frå klokka 17.30-18.45. Koret er for alle frå 1. klasse og oppover. Dei måndagane det ikkje er kor, er det både jente- og gutelag for alle frå 2. klasse og oppover, og "Hobby og tru" for dei som er frå 1. klasse og nedover. Gutelaget har base på bedehuset, jentelaget heime hjå leiarane, medan "Hobby og tru" held til i kyrkjekjellaren. Alle samlingane startar klokka 17.30, og varar til om lag 18.45.
Kyrkjekoret, best kjent som "Fognakoret", øver på onsdagar frå klokka 19.00-20.30. Dei har første øving onsdag 16. september, og skal ha øving seks onsdagar i haust. Oversikt vert utdelt på øving, og kjem i kalenderen på Fogn.org.
Som vi har skrive om tidlegare i år, vert det denne hausten arrangert Alfakurs i kyrkja. Kurset, som går ut på å utforska kristendommen i ein avslappa atmosfære med kveldsmat, undervisning og samtale, startar opp torsdag 17. september, og vil gå over 10 torsdagar i haust. Samlingane varer frå klokka 19.00-21.00, og ein kan melde seg på til Kjersti Sandanger med ein sms til 928 63 130.
På fredagar er det friidrettstrening frå klokka 17.30-18.30. Fram til Fognameisterskapet (13. sept) har denne treninga vore for alle opp til 7. klasse, men etter meisterskapet er treninga retta mot 5.-7. klassingane.
Annakvar laurdag arrangerer Fogn kr. ungdomslag samlingar frå klokka 21.00 til midnatt. Samlingane er stort sett på skulen, om ikkje anna kjem fram i kalenderen her på Fogn.org eller på Facebooksida til ungdomslaget. Ein typisk kveld består av andakt, kiosksal, drøs, spel og andre aktiviteter.
Elles er det samling i kyrkje og bedehus kvar søndag. Gudstenestane startar så godt som alltid klokka 10.30 i kyrkja, medan søndagsmøta (som er dei søndagane det ikkje er Gudsteneste) startar klokka 11.00. Dei søndagane det er møte på bedehuset, er det som hovudregel også søndagsskule og søndagsring for born frå og med 3 år og oppover. Søndagsskulen startar opp med frukost på bedehuset søndag 20. september klokka 10.00.
Elles er det jo mykje som skjer innan fotball, zumba og andre aktivitetar her på øya! Føl med på kalenderen på Fogn.org, så er det alltid noko å finna på!
Fogn - Finnøy: 1-5 (0-3). Det byrjar å verte mange år sidan Finnøy slo Fogn i A-lagsfotball på Fogn stadion. På sundag gjorde dei det til gagns, sjølv om resultatet ikkje gir eit heilt korrekt bilete av kampen.
Det var ei flott ramme rundt lokalderbyet denne seinsommarsundagen. Sola skein, gradestokken låg og bikka opp mot 20, det var plakatar og musikk, og mange, både Fogn- og Finnøybuar, hadde teke turen til Fogn stadion for å få sjå variable fotballprestasjonar på den ikkje altfor flotte grasmatta.
Sjølve kampen starta nokså jamnt, men ein kunne fort merke at begge lag ville vinne kvar einaste duell. Det gjekk til tider hardt for seg, men dommaren, som kom til Fogn over to timar før kampstart, verka til å ha hatt det så travelt då han forlot heimen at korta sansynlegvis vart gløymde att der. Han viste i alle fall ikkje fram hverken gult eller raudt kort i heile kampen, sjølv om anledningane nok var tilstades for å vifta i alle fall med den førstnemnde fargen.
Etter omlag 15 minutter fekk Finnøy kjempa seg fram til ein corner. Denne vart slått presist inn og heada kontant i mål inne ved høgre stolperot, 0-1.
Etter dette hadde Fogn ein god periode, og både Malvin og Ole Jakob kunne med litt tur ha sett ballen i mål då dei kom til avslutningar. Men så gjekk det som det somme gonger går når eit lag presser. Det andre laget skårer. Og det gjorde Finnøy ikkje ein, men to gonger like før pause, slik at kampen var så godt som avgjort då dommaren signaliserte for halvspelt kamp. 0-3 var på ingen måte representativt for kampen, men Finnøy var imponerande effektive, og Fogn klarte ikkje å setja sine sjansar.
Også andreomgangen vart nokså jamn, men Finnøy hadde ikkje lagt igjen effektiviteten i garderoben. Dei fekk leggja på til både 4 og 5-0, før Fogn fekk sitt trøystemål då Rasmus slo ein corner frå høgre, og "Finnøydødaren" Ole Jakob stanga ballen hardt i mål, 1-5!
1-5 vart også sluttresultatet, noko Finnøy må kunne seie seg veldig godt nøgde med. Fogn på si side kan ikkje gleda seg over anna enn at ein no ein gong for alle kan begrava myta om at Fogn er eit meir "grisespelande" lag enn Finnøy. Den nøytrale tilskodar (og dei var det få av...) kunne nemleg konstatere at både Sigve og Jakob Bø vert som snille skuleguttar å rekna samanlikna med enkelte av Finnøy sine spelarar, både når det kjem til fysiske tjuvtriks, surmuling og klaging. Dette til trass, Finnøy skapte flest sjansar og fortente alt i alt å vinne lokalderbyet. Men ikkje 5-1.
Kristian Sandanger Iversen har knipsa mange gode bilete frå kampen, dei ser du i botnen av denne saka.
KAMPFAKTA:
Fogn sitt lag:
Trond Egil Sivertsen
Rasmus Robson Skartveit
Ivar Opsal
Sigve Bø
Martin Østhus
Sergej Kononov
Johannes Hovda
Jakob Bø
Ole Jakob Kjølvik
Malvin Skartveit
Håvard Østhus
Benytta innbyttarar:
Kristoffer Runestad
Ørjan Klev Ladstein
Fogn sitt mål: Ole Jakob Kjølvik
Fogn sin assist: Rasmus Robson Skartveit
Med stort sett sol og fint vèr, over 120 besøkande og nesten 17 000 kroner til prosjektet "Maisha Mema" i Nairobi, Kenya, vart det ein rekordstor kulturbasar på Erås museum laurdag. "Kongen av kultur", Malvin Sandanger seier nemleg at det aldri har vore så mykje folk på ein slik basar, og det har heller aldri kome inn meir pengar!
Programmet var, som vanleg, nokså enkelt. Men folk verkar til å setje pris på å kome saman til uformell drøs og ein kaffikopp, før dei får litt program og åresal med påfylgjande trekning. I år var Johnny Mydland og Olle Hemdorf med og song og informerte om prosjektet blant borna i Nairobi, før dei tre åreomgangane vart utsolgte i rekordtempo. Ein kunne nok også solgt ut ein fjerde omgang, men det er ikkje alltid lett å vite kor mange folk som kjem...
Sjå mange bilete frå kulturbasaren 2015 i serien under:
Brannmann Stig Forbregd med medhjelparar kom til Fogn onsdag 26. august for å ha undervisning i brannteori og demonstrasjon av den nye brannvogna på øya. Her var dei møtt opp, alle dei som har skrive seg på ei liste over frivillige brannmenn/kvinner på Fogn. Samlinga var hjå Kristoffer Østhus, der også sjølve brannvogna er plassert. Tanken er at når ein ringer naudnummeret for brann, 110, så skal alle personane på denne lista verte varsla. Dei som har høve til det, møtest ved brannvogna, og får deretter instruksar om kor dei skal og kva som står på. I tillegg til det som er av vatn i brannvogna, kan ein kople seg på uttak langs vegen på Fogn, eller nytte sjøvatn til å sløkkje evt. brannar.
Denne samlinga var eit samarbeid mellom Rogaland Brann og Redning IKS og Fogn bondelag. Dersom det er fleire personar som ynskjer å stå på lista (ein må ikkje ha tilgong til traktor for å stå der) kan dei ta kontakt med Stig Forbregd hjå Rogaland Brann og Redning IKS. Det er han som er deira administrative leiar for Finnøy.
Jakob Bø knipsa nokre bilete frå samlinga, og var så grei å sende dei til Fogn.org. Bileta ser du under:
Austrått 3 - Fogn IL: 3-2 (3-1). Fogn fekk ein sjokkstart på haustsesongen då dei slapp inn tre mål i løpet av eit kvarter borte mot Austrått 3. I ausande regnvèr reiste laget seg likevel, og var nære ved å stikka av med poeng mot motstandaren lenger oppe på tabellen.
Fogn stilte med ein nokså tynn tropp på Iglemyr Stadion. Det var rett nok tre innbyttarar, men blant dei 14 spelarane var det fleire som var halvskada og enkelte som berre kunne spele ein omgang. Austrått verka ikkje til å vere heilt på topp dei heller, for tempoet i kampen var jamnt over nokså labert. Dei første 15 minuttene av kampen var nokså jevne, men så kom det eit frykteleg kvarter for Fogn. Først var det personlege feil som gjorde at Austrått fekk både ein og to null. Deretter, då ein skulle tru at Fogn var rista skikkeleg liv i, fekk Austrått ta ein kort corner utan at ein einaste av bortelagets spelarar reagerte før det var for seint, 3-0.
Like før pause fekk Fogn, for anledningen kledd i gule overtrekksvestar, den viktige reduseringa. Midstoppar Jakob slo eit frispark frå midtbanen og inn i Austrått sin 16-meter. Der sette ein av heimelagets spelarar fram kneet sitt, og plasserte ballen med det vakkert i mål bak eigen keeper, 3-1!
I andre omgang kom regnet. I strie straumar. Og med regnet kom også mykje godt spel frå Fogn si side. Om lag tjue minutter ut i omgangen slo Håvard ein gjennombrotspasning til Sergej, som sprang frå det som var av forsvarar. Sergej fekk også med seg ballen forbi Austrått si sisteskanse, og kunne sette breisida til i tomt bur, 3-2!
Resten av kampen handla om at Fogn hadde banespelet og pressa på for utlikning, medan Austrått var farlege på kontringar. Ingen av laga makta likevel å skåra fleire mål, så sluttstillinga vart 3-2. Alt i alt eit nokså rettferdig resultat, sjølv om Fogn med litt tur kunne fått med seg både eit og tre poeng i den våte bagasjen på heimvegen.
Til helga venter storkampen Fogn - Finnøy på Fogn Stadion. Denne er flytta frå fredag til søndag klokka 16.00. Då er det berre å stille opp og heie dei mørkeblå fram til seier, etter at Finnøy vann 3-1 i motsett oppgjer tidlegare i år!
KAMPFAKTA
Fogn sitt lag:
Trond Egil Sivertsen
Martin Østhus
Jakob Bø
Ivar Opsal
Kristoffer Runestad
Malvin Skartveit
Johannes Hovda
Ole Jakob Kjølvik
Rasmus Robson Skartveit
Håvard Østhus
Sergej Kononov
Benytta innbyttarar:
Harald Østhus
Daniel Hagen
Rolf Østhus
Mål: Sjølvmål og Sergej
Assists: Jakob og Håvard
Gule kort: Malvin og Rolf
Powered by Squarespace
