Din portal til perla i Ryfylke!
Praesent commodo cursus magna, vel scelerisque nisl consectetur et. Curabitur blandit tempus porttitor. Fusce dapibus, tellus ac cursus commodo, tortor mauris condimentum nibh, ut fermentum massa justo sit amet risus. Cras mattis consectetur purus sit amet fermentum. Cras mattis consectetur purus sit amet fermentum.
Vi er snart i mars månad, og dette er månaden når vesle Fogn får besøk av dei amerikanske gospelartistane Angela Primm, og Elsa Harris (pianist). Konsertarrangørane vil kome med meir informasjon her på Fogn.org når konserten nærmar seg, men i første omgang må folk berre sette av onsdag 18. mars frå klokka 18.30 og utover, dersom dei vil få med seg ei sjeldan oppleving i Fogn kyrkje!
I dag starta VM på ski i Falun, og med det starta også tippekonkurransen på Fogn.org! 49 deltakarar har tippa kva som vert den beste norske plasseringa i alle konkurransane, og kva for ein utøvar som står for denne prestasjonen. I dag var det heile 16 deltakarar som hadde tippa gull til både Petter Northug og Marit Bjørgen, men etterkvart som vi kjem lengre inn i meisterskapet, vil det nok ikkje forbli 16-delt førsteplass...
Du kan sjå kva alle har tippa, og korleis det ligg an ved å klikke på DENNE LENKA!
Ein gong i året er det mogleg å gå "ut og eta" på Fogn. Det er når helselaget arrangerer sundagskafè på Fogn oppvekstsenter, og årets "happening" går av stabelen sundag 22. februar frå 13.00-15.00. I år er det skinkesteik med surkål, kjøttkaker med ertestuing og pøler i brød som står på menyen. I tillegg melder Reidunn Østhus i Fogn helselag om at det vert eit variert dessertbord og kaffi.
Prisane vert:
150 kr per person for middag
50 kr for born under skulealder (middag)
20 kr for pølse i brød
500 kr er makspris per familie
Alle er hjarteleg velkomne til å gå ut og eta på sundag!
For nokre år sidan var det mogleg å kjøpe Randabergpoteter på Fogn. Til dei som har sakna dei gode potetene frå Randaberg, så er dei no å finna på Erås, hjå Erlend og Linda Harestad. Dei sel Kerrs pink i 25 kilossekker til 200 kroner sekken. Pimpernell kan også ordnast.
Ta kontakt med Linda Harestad på telefon 95 92 29 22.
19. februar er det første konkurransedag under ski-VM 2015, som dette året vert arrangert i Falun i Sverige. At nordmennene kjem til å gjera det betre enn svenskane på deira heimebane er jo kjekt i seg sjølv, men all erfaring viser at VM vert enno kjekkare om du blir med på Fogn.org sin tippekonkurranse!
No er det ikkje dei store premiane som står på spel i tippekonkurransen, berre spør vinnar av fotball-vm-tippinga 2014, Olav Østhus. Her handlar det mykje om heider og ære, men heider og ære er jo ikkje til å kimsa av...
På Fogn.org sin tippekonkurranse skal du tippe på alle øvelsane der Noreg har deltakarar. Du skal tippe kva som vert den beste norske plasseringa, og kva for norsk utøvar som gjer det best. Du får 3 poeng for rett utøvar, og 2 poeng om du tipper rett plassering (medalje, 4.-6. plass eller 7. plass el. dårligare). I tillegg får du 3 ekstrapoeng om du tipper nøyaktig rett medalje (gull, sølv eller bronse).
Alle som deltek vil få tilgong til alle innsendte svar, og resultatlista i tippekonkurransen vil verta oppdatert gjennom heile meisterskapet. Frist for innlevering er torsdag 19. februar klokka 12.59, men lever gjerne svar i god tid før dette...
Onsdag 4. februar var det fagdag om middelalderen på skuledelen av Fogn oppvekstsenter. Elevane jobba med ulike oppgåver knytta til denne tidsepoken, og det vart produsert teikningar, våpenskjold, leirskåler, middelalderhorn, flotte presentasjonar og filmen "Middelaldernytt". I tillegg kom det storfint besøk frå Finnøy og Ryfylke Livsgnist, då tre av skodespelarane i spelet om Ogmund Finnson tok turen til Fogn! Desse bidrog ved å vere i miljøet under fagdagen, i tillegg til at dei kommenterte elevane sine framføringar og sjølv spelte eit lite skodespel mot slutten av dagen.
Sjå fleire bilete, og få linken til filmen "Middelaldernytt" på Fogn oppvekstsenter sine nettsider ved å klikka HER.
Powered by Squarespace
