Fellestur til Sylsøy

/

Folkehelseveka i regi av Nasjonalforeningen for folkehelsen, blir avslutta med «innviing» av den nye turløypa på Sylsøy på sundag 11. mai!

Før påske gjekk tursti-gruppa i Grendalaget opp den nye turstien saman med grunneigar Christoffer Inge, dei flikka og rydda stien for å gjera den framkommeleg. Det gjenstår framleis ein del arbeid og betre merking av sjølve stien, men det er ingen problem å ta seg fram. Tvert imot, løypa går i lett terreng gjennom svært vakkert kulturlandskap.

Oppstart bak løa ved Anne May og Christoffer Inge kl 1400. Parkering ved den gamle vegen i Auglendsdalen.

Alle tek med seg eigen matpakke.

Håper at så mange som mogleg blir med.

Hugs å «logga» turen og send talet på kilometer som er tilbakelagt gjennom heile denne veka til meg (Oddbjørg på nr. 94 12 92 33) innan sundag kveld. Så er me med å samla kilometer til Norge på langs.

God tur!

Helsing Helselaget

Gå "Noreg på langs" - på Fogn i veke 19!

/

Klarer me som bur på Fogn å gå Norge på langs i løpet av sju dagar?

Neste veke startar Folkehelseveka 2025 i regi av Nasjonalforeningen for Folkehelsen.

I den anledninga er alle lokallaga invitert til å vera med å konkurrera om kven som klarer å gå strekninga Nordkapp - Lindesnes i løpet av veke 19.

Det fungerer slik at du registrerer kor langt du har gått i løpet av veka og gir beskjed til meg på sms: 94 12 92 33 Oddbjørg. Så legg eg saman alle tala og sender dei til Nasjonalforeningen.

Usikker på kor langt du har gått?
Ein tommelfingerregel er at ein times gange i roleg tempo tilsvarer omtrent 3 km, mens vanleg gange er rundt 4 - 5 km. I raskt tempo kan det vera opptil 6 km. (Og så finnes det jo mange appar på telefonen som kan måla avstand heilt nøyaktig)

Nokre døme på vanlege turar:
Butikken – Ørnareiret 2,5km
Kyrkja – Ørnareiret 1,5km
Fogn rundt 9,6km

Det blir trekt éin vinnar blant lokallaga. På vinnarlaget blir alle deltakarane premiert med kvar sin turkopp.

Å gå på tur saman med andre skaper glede, trivsel og fellesskap.

Då er det berre å finna fram joggeskoa og komma seg ut å gå!

NB! Om du vil jogga, er det lov det også :)

Bli med på "Pop-up bruktmarked" på Fogn!

/

Inspirert av eit “Pop-up grøftesalg” på Sæbø 1. mai, blir det eit “Pop-up bruktmarked” utanfor Fogn Oppvekstsenter, laurdag 3. mai kl. 14.00-16.00! Her kan dei som vil selgja og/eller bytta ting ha “butikkane” sine under halvtaket utanfor skulen, så sjølv om det kan koma litt regn skal dei stå tørrt.

Dei som ynskjer kan finna fram ting dei vil bli kvitt, ta det med til skulen, og rigga til sin “butikk”. Det står nokre bord utanfor skulen som kan nyttast, men det er ikkje veldig mange, så om folk vil vere sikra bord bør dei ta med eigne. Så er det kanskje unødvendig å informere om, men varer som ein ikkje blir kvitt, må tas med heim igjen…

Dette blir garantert ein sosial “happening”, og det er veldig kjekt om mange kjem, både selgjarar og kjøparar!

Det skjer på Fogn i påska 2025!

/

Det pleier å vere mykje folk på Fogn i påska, og som vanleg har desse mange tilbod til arrangementer dei kan bli med på. Under er ulike påskerelaterte arrangement og hendingar:

Onsdag 27. mars frå kl. 18.00 - Loddsal på dørene
Representantar frå Fogn IL kjem rundt på dørene og sel lodd til påskebasaren som er på laurdag.
NB! Sjå her kva pengane går til i år!

Skjærtorsdag kl. 19.30 - Nattverdmøte på bedehuset
Nattverdmøte med andakt av Paul Aano, i tillegg til at ordet blir gitt fritt.

Langfredag kl. 11.00 - Pasjonsgudsteneste i kyrkja
Lesing/framføring av bibeltekstar frå langfredag. Ola Aasland Vold er prest.

Påskeafta frå kl. 09.00 og 14.00 (trekning) - Fogn IL sin påskebasar utanfor butikken
Loddsal, kaffi og kake frå klokka 09.00. Sjølve trekninga skjer frå klokka 14.00.

1. påskedag kl. 11.00 - Møte på bedehuset
Høgtidsmøte med andakt av Christoffer Inge Hovda

1. påskedag kl. 17.30 - Gudsteneste i kyrkja
Høgtidsgudsteneste der Terje Engstrøm er prest. Nattverd. Takkoffer til Misjonsprosjektet.

Tett program på Fogn i helga!

/

Det er ikkje uvanleg at det skjer mykje på Fogn, og denne helga er ikkje noko unnatak!

Fredag 4. april kl. 17.00 - Innebandy for damer i gymsalen
Dette er eit nystarta tilbod i regi av Fogn IL, og er for damer frå og med 8. klasse og oppover!

Laurdag 5. april frå kl. 10.00 - Dugnad på og ved Fogn bedehus
Den årlege vårdugnaded både inne i og utanfor bedehuset. Servering av pølser kl. 13.00!

Laurdag 5. april kl. 15.45 - Fotballkamp på Fogn Stadion
Årets første heimekamp i serien for A-laget, når dei møter Sunde 2 i 7. divisjonsoppgjeret!

Laurdag 5. april kl. 19.00 - Lovsongsmøte i kyrkja

Søndag 6. april kl. 11.00 - Søndagsmøte, søndagsskule og -ring på bedehuset
Vanleg søndagsmøte med andakt av Håvard Østhus. Søndagsskule og søndagsring for borna i kjellaren under møtet. Noko å bita i der nede etterpå.

Søndag 6. april kl. 17.15 - “Lat øyra få høyra” i kyrkja

Søndag 6. april kl. 20.00 - Kveldsbøn i kyrkja
Enkelt arrangement med kveldsbøn frå kl. 20.00-20.45