Open dag i Fogn kyrkje

Open dag i Fogn kyrkje
Torsdager kl 11 – 14 Kaffi, te og vafler
Møteplass for drøs og samvær i kyrkjekjellaren. Litt som i sjømannskyrkjene at folk kjem innom. Me har aviser og litt aktiviteter liggande.
Heidi har kontordag i kyrkja denne dagen.
Ta lunsjpausen i kyrkjekjellaren og kom innom for å treffe andre.
Ta kontakt på tlf. 47010909 viss du har behov for skyss.
Me prøver også med to torsdager med middagsservering denne hausten og har satt av torsdag 18.okt og 29.nov. Desse dagane blir det middagsservering mellom kl 1530 – 1700 Me må ha påmelding dagen før, følg med for meir informasjon når det nærmer seg.
I kyrkjerommet oppe vil lysgloben vere tent og det ligg ei bønnebok til bruk for
dei som vil.
VELKOMMEN
Arr. Ansvarskomiteen

Flott Fognaløp og -meisterskap

I fint septemberver var det mange born og vaksne til start i Fognaløpet. Det var eit stort felt som stilte til start, då både 5 og 10 km sprang ut på likt. Fyrst i mål var finnøybuen Adrian Nilsen Heggelund, han vann 5km på 22.18. I kvinneklassen vann 6. Klassingen Thea Hovda Rørheim på 26.28. Ho vann løpet for tredje gong på rad. 

I herreklassen vann kroppsøvingslæraren Tor Magne Moen på 39,22. Kristian Sandanger Iversen vart nummer to, 29 sekund bak. I dameklassen vann Solfrid Torgersen på 59.20. Like etter kom Anna Sandanger Iversen på 60.40

Etterpå var det duka for Fognameisterskap. Mange born hadde møtt opp for å springa 60m, hoppa lengde og kaste liten ball. Det var mykje idrettsglede blant ungane. Alle fekk kvar sin medalje for å fullføre.

Under kan du sjå resultatliste:

10 km menn:

1. Tor Magne Moen – 39.22
2. Kristian Sandanger Iversen – 39.51
3. Jakob Bø – 43.06

10km kvinner:

1. Solfrid Torgersen - 59,20
2. Anna Sandanger Iversen - 60,40

5km menn:

1. Adrian Nilsen Heggelund - 22,18
2. Josef Bø - 24,23
3. Bjørn Moen - 25,59

5km kvinner

1. Thea Hovda Rørheim - 26,28
2. Leah Sandanger - 28,10
3. Isabelle Kvamsøe og Gunhild Grønås 31,23

Under kan du sjå bilder frå øvelsane:

(Foto: Isabell Kvamsøe, Mallin, Kristian og Helge Iversen 

Kulturbasar på Erås museum

Laurdag 1. september 2018 er det kulturbasar på Erås Museum. I år samlar me inn til Masimaze, barneheimsprosjekt i Sør-Afrika. Her er programmet:

Kl. 15.30 - Museet opnar sal av kaffi og kaffimat

Kl. 15.45 - Musikkinnslag ved Mantas, orientering om prosjektet, åresal.

Me er takksame for gevinstar!

Arr. Erås Museum og Fogn Grendalag

Fognameisterskap og Fognaløp til helga!

Søndag 2. september går årets Fognaløp og -meisterskap av stabelen. Kl 13.00 går startskotet for 5 og 10 km løypa, og idrettslaget oppfordrer alle (uansett alder) som liker å springe eller gå fort til å bli med. Startavgift for dei over 16 år er 100,- det vert premiering til vinnarar i dame- og herreklasse på begge distansar. I målområdet vert det som vanleg god stemning, frukt og grønt! Det tradisjonsrike Fognameistermeisterskapet for born i alle aldrar starter kl.14.30, og her er det premiering til alle. Velkommen til store og små!

Gjekk på smell i åttendelsfinale

Haustsesongen vart sparka i gang att med cup-oppgjer. Det var duka for 2. runde i Rogalandscupen. Madla 3 ligg i same divisjon som Fogn, det var difor ingen straffar før kampstart.

Fognaspelarane har hatt mange veker utan kamptrening og det gjekk ikkje mange minuttar frå dommaren bles kampen i gong, før dei låg under. Ingen god start på kampen, men det verka som dette tente heimelaget. For det gjekk ikkje lang tid før det stod 1-1. Malvin Christiano Skartveit serverte ein flott pasning til Sergejs Kononovs, han lada skuddfoten og ballen fauk inn i nettmanskane. 

Håpet om kvartfinale levde ei lita stund, men bortelaget laga to raske mål. Dermed stod det 1-3 i målprotokollen. 

Men eit lite håp vart tent like før slutt. Då fyrte Johannes Hovda av eit hardt skot, som keeper klarerte, men Martin Østhus var raskt frampå og kriga ballen i mål. 2-3. Då var planen klar for siste del av kampen for heimelaget, alle mann i angrep og å settje inn eit utlikningsmål. Det gjekk ikkje og bortelaget scora to mål til, før dommaren bles av kampen.

Kampen endte 2-5.

Under kan du sjå bilete:

Foto Kristian Iversen

Går Fogn til kvartfinalen?

Etter at Fogn slo ut rival Finnøy i ein nerverpirrande kamp i førre runde av OBOS-cupen, skal laget no ut i åttendedelsfinale mot Madla 3. Kampen går på Fogn Stadion, fredag 24. august, klokka 19.00, og det er venta å verte eit tett og jamnt oppgjer mellom dei to 7. divisjonslaga. 

For Fogn, som har slitt litt i serien i år, kan denne cupen verta ei skikkeleg gulerot denne sesongen, og no er altså kvartfinalen berre ein kamp unna!

Møt opp og hei fram dei mørkeblå frå Fogn!