Snart tid for årsmøte i grendalaget
/Det er mars, og årsmøtetid for Fogn grendalag! I år vert møtet gjennomført tysdag 20. mars klokka 18.30 på oppvekstsenteret. Meir informasjon er å finna på plakaten under:
Misjonshelg på bedehuset
/Helga 9.-11. mars kjem Mathias Mjølhus og ei gruppe frå Evangeliesenteret til Fogn bedehus for å ha misjonshelg. Meir informasjon er å finne på plakaten under:
Oppdatering om fiberen!
/
Mange lurer på korleis det går med fiberutbygginga på Fogn, og kro mange som no har teikna seg til å verta kundar. Grendalaget, ved Arnstein Bøe, har vore i kontakt med Richard Bjerga i Lyse, for å finne ut litt meir.
Richard kunne fortelja at det no er over 70 hus/hytter som har bestilt fiber på Fogn. Salet er ikkje stansa enno, men det kjem til å stansa i veka etter påske, slik at dei som er på hytta i påskeferien, og som kanskje ikkje har fått med seg at dei kan bestilla fiber, får høve til å gjere det. For å bestille fiber, er det berre å sende mail til privatfiber@lyse.no
Elles kunne Bjerga melde om at frosten i bakken har vore god, for då har gravinga gått betre, særleg i dei markene som vanlegvis er blautast.
Bjerga sendte også med to oversiktskart, eit over nord og eit over søre delen av Fogn. Kartet viser mellom anna hovudtraseen som Lyse skal laga til. Rosa streker er det som skal gravast, tjukk blå strek skal trekkast på stolpar og grønne streker er der det no ligg røyr. Dei rosa firkantane er skåpa som folk må grave seg til for eiga rekning. Dei som er nær luftspenn må grave til næraste stolpe.
Dei tynne blå linjene viser el-traseane inn til hus og hytter. Heiltrukne linjer er nedgravd, stipla linjer er luftstrekk.
Meir informasjon kjem til den enkelte når salet har stansa etter påske.
Klikk på lenkene under for å finne aktuelt kart:
Søndagskafè på oppvekstsenteret
/
Søndag 11. mars inviterer Fogn Helselag til sin årlege søndagskafè på Fogn oppvekstsenter. Kafeèn er open frå klokka 13.00 til 15.00, og det er mykje godt på menyen, som ser slik ut:
- Oksesteik med grønnsaksblanding og waldorfsalat
- Heimelaga kjøttkaker med ertestuing og gulrot
- Pølse i brød
- Kaffe, kaker og dessert
Prisane er:
150 kr per vaksen
50 kr per barn under 10 år
20 kr for pølse i brød
maks 500 kr per familie
Ein kan betala med kontanter, kort eller Vipps.
Velkommen!
Klart for årsfest i Fogn Idrettslag
/Fredag 9. mars klokka 18.00 vert det årsfest med årsmøte i Fogn IL. Samlinga vert i foajeen på Fogn oppvekstsenter. På programmet står:
- Pizza og is
- Utlodning. Vi er takknemlege for gevinstar:)
- Vanlege årsmøtesaker
- Diverse anna program
Jakob Bø, Fogn IL
Kom med innspel om ferjeruter!
/
Som eindel kanskje har fått med seg, vert det for tida arbeida med korleis ferjerutene skal sjå ut frå og med 1. januar 2020. Samferdselssjefen i fylket har no sendt ut to alternative forslag til høyring. Både forslaga og følgeskriv kan sjåast ved å klikka HER.
I og med at desse ruteforslaga er på høyring, ynskjer fylkeskommunen no innspel frå ulike instansar, mellom anna Fogn grendalag. Høyringsfristen er 28. mars, men så tidleg som 7. mars skal Finnøy kommune ha eit møte med fylket, der spørsmål og innspel kan takast opp.
Fogn grendalag ynskjer å ha nokre innspel som kommunen kan ta med i møtet med fylket, og grendalaget skal difor ha styremøte no på torsdag, 1. mars. Dersom nokon har innspel til grendalaget i denne samanheng, kan desse spelast inn til anten Kristoffer Østhus (mob 970 90 902 og mail kristoffer@osthus.as) eller Arnstein Bøe (mob 454 76 251 og mail lianedata@gmail.com).