Endeleg kom sigeren

Det var fine rammer rundt laurdagens a-lagskamp mot Tjensvoll. Mange hadde møtt opp for å heidre Jakob Bø, sidan han har spelt flest kampar for Fogn a-lag gjennom alle tider. Allereie frå start styrte Fogn kampen inn i sitt spor, med høgt press. I løpet av fyrste omgang var det knytta store diskusjonar til eit offsidedømt mål. Mange meinte også at Fogn skulle hatt eit straffespark denne omgangen. Til pause var stillinga 0-0.

I det 68. spilleminutt sørga Ørjan Bø for 1-0 leiing. To minutt seinare scora Jørgen Bø jr. sitt fyrste mål for a-lage, 2-0. Like før slutt punkterte Ørjan kampen med sitt andre mål, 3-0.

Etter kampen feira tilskodarar og spelarar Jakob med kake.

Under kan du sjå nokre bilete frå kampen:

To spennande arrangement idag!

Klokka 14.00 setter Jakob Bø ny rekord i antall kampar spelt for A-laget. Dette markeres med kake. Fogn spelar kamp mot Tjensvoll 2 på Fogn Stadion. Kom å sjå!

Klokka 19.00 blir det konsert i kyrkja. Mange songarar med tilknytting til Fogn kjem for å halde konsert. Det koster 150,- pr. person. Maks 300,- pr familie.  Inntektene går til det nye flygelet i kyrkja. Det blir også noko å bite i, etter konserten.

Samanslåing på bedehuset

I førre veke var det felles årsmøte på bedehuset, og i etterkant av møtet vart pressemeldinga under sendt ut:

Fogn Misjonssamling er stifta
Etter å ha arbeidd med saka over fleire år, var medlemmene i Fogn Bedehusforening og Fogn Misjonslag (NLM) kalla inn til ekstraordinært årsmøte på Fogn Bedehus 21 september. Temaet for kvelden var eit forslag om å etablera Fogn Misjonsforsamling ved i praksis å slå saman Fogn Bedehusforening og Fogn Misjonslag til eit felles lag. Mange hadde ordet under årsmøta og ordskiftet var sakleg og godt. Då røystene var talde opp synte det seg at det var eit solid fleirtal for å etablera Fogn Misjonsforsamling. Denne forsamlinga vert også knytt til NLM, fordi me trur det er godt å ha ein godt fundament og ein klår struktur for arbeidet. Samstundes har andre organisjonar, lag og einskildpersonar i praksis høve til å nytta Fogn Bedehus slik som før.

Intensjonen er at Fogn Misjonsforsamling skal gi eit komplett kristent tilbod til sine medlemmer. Alle er velkomne til våre møter og samlingar – uavhengig av medlemskap i NLM eller andre organisasjonar eller kyrkjesamfunn.

Det er vald eit interimstyre for Fogn Misjonsforsamling som vert sitjande fram til første ordinære årsmøte tidleg i 2018. Interimstyret er samansett slik:

Paul Aano
Kristel Borgemyr
Kjersti Sandanger
Håvard Østhus
Jon Olav Østhus

Ny rekord på årets topptur!

Sundag 24. september vart det sett deltakerrekord i 7- og 4-toppsturen. Det var 122 startande. Alle som gjekk fekk utlevert eit startkort som det vart klypt i på kvar topp. Kortet vart levert inn på den siste toppen. Seinare denne dagen trekte leiaren i Fogn il, Jakob Bø, eit gavekort frå kiwi. Vinnaren av dette vart Øystein Sandanger. Også i år var det fint ver og god stemning. På nokre av toppane vert det utdelt produkt som T-skjorter fra Stavanger Installasjon, sjokolade fra Joker Fogn, capri-sonne frå Coop Extra Finnøy og tomater fra Ståle Runestad. 

Klikk her for å sjå bilete frå turen!

Fine rammer rundt a-lagskampen

Det var strålande sol, og blå himmel. Ambisjonane var store før denne kampen, og mange Fognbuar håpa på sesongens fyrste heimesiger. Men Sørmarka måtte slås fyrst. Den fyrste omgangen var svært jamn, men like før slutt gjekk Sørmarka opp i leiinga. I 2. omgong tok Sørmarka meir og meir grep om kampen. Sørmarka auka etterkvart til 0-3. Like før slutt fekk Fogn litt tak på kampen igjen. og Daniel Instanes på 15 år sette ballen i mål. Dessverre vart målet annulert for offside.

Neste heimekamp er mot Tjensvoll 2 30.09. 

Under kan du sjå nokre bilete frå kampen:

Konsert i kyrkja neste veke

Laurdag 30. september blir det konsert i Fogn kyrkje. Mange songarar med tilknytting til Fogn, kjem for å halde konsert.

Det blir blant anna innslag av Silje Sandanger, Helge Anglevik, Stine Runestad og Geir Eskeland, Anne Østhus, Kjersti Sandanger og Dag Olav Sæbøvåg, Anna Hovda Aanestad, Elin Underhaug Kanu, og klang v/ Daniel Esperås med flere.

Det koster 150,- pr. person. Maks 300,- pr familie.  Inntektene går til det nye flygelet i kyrkja. 

Under kan du sjå eit intervju med Wiktor Juul: