Flott Fognamarsj

Søndag 13. august vart Fognamarsjen arrangert for 29. gong. Ottar Sandanger kunne melda om 59 startande. Løypa gjekk rundt øya, omlag 10 km. Sola stod høgt på himmelen, så det var ideelle turforhold. 

Jakob Bø og Anders Sandanger fullførte turen for 29. gong. Dagrunn Bø og Anne Sunde hadde gått turen 25 gonger, og fekk med seg ei kakespade heim.

Under kan du sjå bilete frå marsjen:

Klart for den 29. Fognamarsjen

Søndag 13. august ynskjer Fogn IL velkommen til den 29. Fognamarsjen.

Start frå Fogn Oppvekstsenter, mellom kl. 15.00-17.00. Marsjen går rundt øya, om lag 10 km.

Startkontingent: 100 kr pr deltaker. Max 300 kr pr familie.

Det vert høve til kjøp av brus/sjokolade ved Selvåg.  

Ved å klikke her kan du sjå oppdatert deltakerliste. Premiering kvar 5. gong ein fullfører marsjen.

 

Premiering: 

1. gong: Bronse-medalje

5. gong: Sølv-medalje

10. gong: Gull-medalje

15. gong: Elite-staup

20. gong: Enda eit staup

25. gong: Kakespade

 

Fogn IL ynskjer alle velkommen!

Ny redaktør på Fogn.org!

Grendalaget er glade for å kunne melde om at Kristian Sandanger Iversen no er ny redaktør på Fogn.org! Kristian har, trass sin unge alder, lang erfaring frå si eiga nettside Opsalnyhende og han er ein ivrig brukar av både foto- og videokamera. Han er no klar for å laga mange gode reportasjar og artiklar på Fogn.org, og set pris på tips og innspel anten på mobil 45 11 54 33, mail kristian.sandanger.iversen(a)gmail.com eller via kontaktskjemaet på Fogn.org. Kristian har også tilgang til kalenderen på Fogn.org, og kan kontaktast dersom det er noko som skal inn der.

Den gamle redaktøren, Håvard Østhus, går no inn i ei meir rådgjevande rolle.

 

Påminning om ope museum på laurdagar

Erås Museum har i det siste vore ope på laurdagar frå klokka 13.00 til 15.00, i anledning utstillinga til Kåre Holm: "Ein bit av Fogn". Fleire har vore og sett på utstillinga, men du har framleis høve til å få den med deg, om du ikkje har kome så langt enno. Museet er nemleg ope både laurdag 5. august og laurdag 12. august frå klokka 13.00-15.00. 

Alle er hjarteleg velkomne!

Ordføraren kjem på besøk, fredag 14. juli

Ordførar Henrik Halleland har bestemt seg for å besøke dei ulike øyene i kommunen i sommar, rett og slett for å slå av ein prat med dei som ynskjer å snakke med han. Har du ei sak du ynskjer å lufte for ordføraren, eller vil du berre nytte høvet til å veksle nokre ord med den øvste leiaren i kommunen, så kan du gjere det på Joker Fogn, fredag 14. juli, frå klokka 13.00. 

Velkommen!